ओमप्रकाश पुन
Spread the love

सर्बोच्च अदालतको आदेश लत्याउदै नेता धर्मेन्द्र बास्तोलालाई अदालत गेटबाटै गिरफ्तार गरिए पछि अब यसको चौतर्फी बिरोध भैरहेको छ।  त्यति मात्र हैन, सरकार र बिद्रोही ने.क.पा.बोच हुने भनिएको वार्ता के हुने हो भनेर सबैतिर आशंका पैदा भैरहेको छ।  सामाजिक संजालमा बिद्रोही ने.क.पा.का नेता तथा कार्यकर्ताहरुले सरकारी रबैयाको चर्को बिरोध मात्र गरिरहेका छैनन्, यस्तो अवस्थामा सरकारसंग वार्ता गर्नुको अर्थ नै नरहेको टिप्पणी गरिरहेका छन्।

यसैबीच कैलालीबाट गिरफ्तार भएर धनागढ़ी कारागारमा बन्दी जीवन बिताई रहेका बिद्रोही ने.क.पा.का नेता ओमप्रकाश पुनले पनि सामाजिक संजालमार्फत नेता बास्तोलालाई बलजफ्ती गरिएको गिरफ्तारीप्रति चर्को आक्रोश पोखेका छन्।  उनले आफ्नो फेसबुक स्टाटसमा ” एकातिर वार्ताको हल्ला पिट्ने र अर्को तिर गैरकानुनी रूपमा नेता कार्यकर्ताको गिरफ्तारी गर्ने सरकारको रबैयाले सरकारको इमान्दारिता माथि ठूलो प्रश्न उठेको” उल्लेख गरेका छन्।

वार्ताको तयारी भैरहदा बिद्रोही पार्टीका शिर्षस्थ नेतालाई अदालतको आदेह समेतको प्रबाह नगरी गिरफ्तार गरिनुलाई ‘सामान्य घटना”का रुपमा लिन नहुने आफ्नो धारणा राख्दै नेता पुनले यसलाई पार्टीले गम्भीरतापूर्वक लिनुपर्ने तर्क अघि सारेका छन्।  उनले केपी ओली सरकारसँग वार्ता हैन कि युद्धको घोषणा गर्नु पर्ने परिस्थीती सिर्जना हुन सक्ने चेतावाने पनि दिएका छन्।

उनले वर्तमान सरकारको सामाजिकल फासीवादी र प्रतिगामी कदमका बिरुद्ध  अन्य राजनितिक शक्तिसँग सहकार्य र संयुक्त मोर्चा बनाउँदै अघि बढ्नु पर्ने आबश्यकता औंल्याएका छन् ।

नेता ओमप्रकाश पुनकोधारणा

सर्वोच्चको आदेश विपरीत हाम्रो पार्टीका केन्द्रीय सचिवालय सदस्य कमरेड धर्मेन्द्र बास्तोला लाई जसरी फागुन १० गते पुसिशले अपमानपूर्ण ढङ्गले सर्वोच्चको गेटबाट गिरफ्तार गरेको छ, यो निक्कै खेदजनक र भर्त्सना योग्य कुरा हो । एकातिर वार्ताको हल्ला पिट्ने र अर्को तिर गैरकानुनी रूपमा नेता कार्यकर्ताको गिरफ्तारी गर्ने सरकारको रबैयाले सरकारको इमान्दारिता माथि ठूलो प्रश्न उठेको छ । यो सामान्य घटना होइन र यसलाई पार्टीले गम्भीरतापूर्वक लिनुपर्छ । यसले केपी ओली सरकारसँग वार्ता हैन कि युद्धको घोषणा गर्नु पर्ने परिस्थीती सिर्जना हुन सक्छ । केपी ओली को सामाजिक फासीवादी र प्रतिगामी कदमका विरुद्ध अन्य राजनितिक शक्तिसँग सहकार्य र संयुक्त मोर्चा बनाउँदै अघि बढ्नु पर्ने हुन्छ । कमरेड धर्मेन्द्र बास्तोला को अपमानपूर्ण गिरफ्तारीको बारेमा पार्टीले आफ्नो धारणा सार्वजनिक गरेर स्थितिको स्पस्ट गर्नु पर्छ । अन्यथा यसले जनता र कार्यकर्तामा ठुलो अन्यौल सृजना गर्नेछ ।

ओम प्रकाश पुन
केन्द्रिय सदस्य
हाल कैलाली कारागार

अन्तिम पटक अध्यावधिक गरिएको 865 Viewed

प्रतिक्रिया दिनुहोस्