डक्ट–टेपमार्फत भित्तामा टासिँएको एक केराको कलाकृति मूल्यको कारण चर्चामा छ ।

मियामीस्थित आर्ट बसलमा बुधबार उक्त कलाकृत्ति १ लाख २० हजार डलरमा बिक्री भयो । यो कलाकृत्तिलाई पेरिसको आर्ट ग्यालरी पेर्रोटिनले प्रदर्शनमा राखेको थियो ।

आर्ट ग्यालरीका अनुसार कलाकृत्तिको तीन संस्करण बनाइएको छ र त्यसमध्ये दुईको विक्रि भइसकेको छ ।

यसलाई इटालीका चर्चित कलाकार मौरिजियो क्याटेलनले बनाएका हुन् । कलाकृतिमा प्रयोग भएको केरालाई मियामीको एक किराना पसलबाट किनिएको थियो ।

केरालाई डक्ट–टेपको सहायताले भित्तामा टासिँएको छ । सामान्य केरा भएकाले कलाकृत्तिमा प्रयोग भएको केरा सड्ने जोखिम छ । तर यो आफैमा व्यङ्ग्यका त्यसो गरिएको यस कलाकृत्तिलाई प्रायोजन गने पेर्रोटिन ग्यालरीका प्रमुख इम्यानुअल पेर्रोटिनले बताए ।

संचारमाध्यमसँगको कुराकानीमा पेर्रोटिनले भने ,‘ केरा विश्वव्यापी व्यापार र व्यङ्ग्यको प्रतिक हो । उदेश्य अनुसार नै यसको नाम ‘कमेडियन’ दिइएको छ ।’

मौरिजियो क्याटेलन पछिल्लो समय १८ क्यारेट सुनको ट्वाइलेटबाट चर्चामा आएका थिए । ६० लाख डलर मुल्याकंन गरिएको उक्त कलाकृत्ति सेप्टेम्बरमा बेलायतस्थित ब्लेइनहेम दरबारबाट चोरिएको थियो ।

चोरीको अनुसन्धानका क्रममा पाँच व्यक्ति पक्राउ परेका छन् । ट्वइलेट फिर्ता गरे पुरस्कारको घोषणा गरिएको भए पनि हालसम्म कोही पनि पक्राउ परेका छैनन् ।
पेर्रोटिनले टेपले टासिएको केराको पृष्ठभूमिबारे व्याख्या गरेको छ ।

‘क्याटेलनले पहिलेदेखि नै केराजस्तै आकारको कृति बनाउने सोचिरहेका थिए । भ्रमणमा उनी सधैं आफूसँग केरा बोकेर हिड्थे । उनी तिनलाई आफ्नो होटेलका कोठाहरुमा प्रेरणाको लागि झुण्डाउथे । त्यसपछि नै उनमा यस कलाकृतिको सोच आएको थियो ।’

अन्तिम पटक अध्यावधिक गरिएको 107 Viewed

प्रतिक्रिया दिनुहोस्