नेपाललाई प्राकृतिक रुपमा न्याय : नेपालतर्फ डुबान हुने गरी हेपाह भारतले बनाएको बाँध भत्कियो, भारततिर खैलाबैला

संबाददाता : ओम हमाल     प्रकाशित मिति: (२०७६ असार २८, शनिबार) १६:४४

भारतले नेपाललाई हेपेर भारतको बैरगनिया र रौतहटको गौरको बीच दशगजा क्षेत्रमा एकतर्फी  रुपमा बनाएको भारतीय बाँधका कारण सदरमुकाम गौरसहित रौतहटका अधिकांश बस्ती डुबानमा परे । सो बाँधका कारण सदरमुकाम गौरमा दश फुटभन्दा बढी पानी जमेपछि जनजीवन अस्तव्यस्त भयो ।

गौरको मुख्य सडकमा एक तले घर डुब्ने पानी छ भने जिल्ला प्रहरी कार्यालय, सशस्त्र प्रहरीको कार्यालय लगायत प्रहरी यूनिट समेत डुबानमा परेका छन् ।

गौरमा रहेका सुरक्षा निकायका कार्यालय तथा ब्यारेकहरु समेत डुब्दा उद्दार टोली परिचालनमा कठिनाइ भएको छ ।

बाढीले सडक सम्पर्क टुटाएपछि फोन र प्रहरीको सञ्चार सेटले पनि सो काम गर्न छोडेको छ । ‘स्थानीय र प्रहरी दुवै सम्पर्कविहीन बनेका छन्,’ जिल्ला प्रहरी कार्यालय रौतहटका प्रवक्ता डिएसपी नवीन कार्कीले भने, ‘फतुवा, विजयपुर र बडहरवामा तत्काल उद्दारको आवश्यक्ता छ, तर प्रतिकुल मौसमका कारण केही गर्न सकिएको छैन ।

गौरको मुख्य सडकमा एक तले घर डुब्ने पानी छ भने जिल्ला प्रहरी कार्यालय, सशस्त्र प्रहरीको कार्यालय लगायत प्रहरी यूनिट समेत डुबानमा परे । गौरमा रहेका सुरक्षा निकायका कार्यालय तथा ब्यारेकहरु समेत डुब्दा उद्दार टोली परिचालनमा कठिनाइ भयो  ।

बाढीले सडक सम्पर्क टुटाएपछि फोन र प्रहरीको सञ्चार सेटले पनि काम गर्न छोडे  । ‘स्थानीय र प्रहरी दुवै सम्पर्कविहीन बने ।

त्यस बाँधमा भएका ढोकाहरु नखोलिदिँदा नेपालतर्फ ठुलो संकट निम्तिएको निर्क्यौल  नेपाली अधिकारीहरुले गरे र नेपाली जनताको जनधनको सुरक्षाका लागि रौतहट जिल्लाका प्रमुख जिल्ला अधिकारी किरण थापा र प्रहरी प्रमुखले भारतीय अधिकारीलाई पानीको निकास खोल्न पटक पटक  आग्रह गरे । तर भारतीय पक्षले त्यो अनुरोधलाई वास्तै गरेन । पानीको बहाव खोलिदिनुको सट्टा बाँधको सुरक्षाका लागि भन्दै भारतीय पक्षले थप सुरक्षाकर्मी खटायो ।

भारतीय बाँधमा भएका पानी थुन्ने ढोकाहरु भारतीय पक्षले नखोलिँदा रौतहट सदरमुकाम गौरका बस्ती संकटमा परे । पानी थुनेर छिमेकी मार्न खोजेको भन्दै सामाजिक सन्जालमा भारतको बिरोध भैरह्यो  । फेसबुक प्रयोगकर्ताले भारत विरोधी स्टाटससँगै ‘गो ब्याक इन्डिया’ ह्यासट्याग पनि प्रयोग गरे । यद्यपि बाँध क्षेत्रमा भारतले उल्लेख्य संख्यामा सीमा सुरक्षा बल (एसएसबी) परिचालन गर्यो । तर, पानीको निकास खोल्नुको सट्टा बाँधको सुरक्षामा टोली खटाएको भन्दै नेपालीहरुले भारतको आलोचना गरिरहे । तर भारतले टेरपुच्छर लगाएन ।

अन्तत: नेपालीलाई प्रकृतिले नै न्याय दिलाएको छ ।  ब्यापक मात्रामा भारतिय सिमा सुरक्षा बल परिचालित गरिएपनि रौतहटको सिमानामा भारतले बाँधेको बाँध बाढीले भत्किएको छ । बाँध फुटेर पानी भारततर्फ बगेपछि रौतहटमा पानीको सतह घट्न थालेको छ ।

बाँध फुटेपछि बाढी भारतीय बस्तीमा पसेको छ । बाढी पसेपछि भारतीय बस्तीहरु बैरगनिया, अशोगी, भकुरहर, सिन्धुलिया लगायत ठाउँका बासिन्दामा हल्लीखल्ली मच्चिएको छ ।

 


(२०७६ असार २८, शनिबार) १६:४४ मा प्रकाशित

°
Weather from OpenWeatherMap

मुख्य समाचार

सबै

ने.क.पा.को भूमिगत सांगठनिक संरचना

रामकृष्ण अधिकारी/अन्नपुर्ण पोस्ट।   नेत्रविक्रम चन्द ‘विप्लव’ नेतृत्वको ने.क.पा.को सञ्जाल भूमिगत शैलीमा चलेको छ। सरकारले प्रतिबन्ध लगाए पनि समूहले भूमिगत शैलीमा केन्द्रदेखि स्थानीय तहसम्म संरचना विस्तार.....

वार्ताको कोकोहोलो मच्चाएर सम्पर्कसुत्र गिरफ्तार गर्दै सरकार, सम्पर्कसुत्र माइला लामालाई ज्यान मुद्दा लगाउने तयारी

बिप्लव नेतृत्वको नेपाल कम्युनिष्ट पार्टीसंग सम्पर्क सुत्रमार्फत अनौपचारिक वार्ता गरिरहेको कोकोहोलो मच्चाइरहेको वर्तमान सरकारले तिनै सम्पर्कसुत्रको रुपमा काम गरिरहेका नेपाल.....

जनवादी कलाकार एबम ने.क.पा.का उपत्यका इन्चार्ज माइला लामा गिरफ्तार !

जनवादी कलाकार एबम बिप्लव नेतृत्वको नेपाल कम्युनिष्ट पार्टीका केन्द्रिय सदस्य तथा उपत्यका ब्युरो इन्चार्ज माइला लामालाई प्रहरीले शनिबार मध्ये राती भक्तपुरबाट गिरफ्तार प्रयास गरेको छ। .....

Exchange Rate

Nepali Patro