भूकम्प पीडितहरुबाट गैरकानूनी रुपमा रकम असुल्ने १९ प्राविधिकको जागीर चट

संबाददाता : ओम हमाल     प्रकाशित मिति: (२०७६ असार १५, आईतवार) २१:००

राष्ट्रिय पुनर्निर्माण प्राधिकरणले भूकम्प पीडितहरुबाट गैरकानूनी रुपमा रकम असुल गरेको आरोप लगाउंदै पुनर्निर्माणमा खटिएका १९ जना प्राविधिकलाई कारबाही गरेको छ । प्राधिकरणअन्तर्गत भूकम्प प्रभावित जिल्लाका विभिन्न स्थानीय तहमा खटाइएका ती प्राविधिकहरुलाइ भूकम्प पीडितहरुलाई दुःख दिएको, स्थानीय तहका प्रमुख प्रशासकीय अधिकृतहरुको हस्ताक्षर किर्ते गरी हाजिर सिफारिस गर्ने गरेको, केन्द्रीय आयोजना कार्यान्वयन इकाई र जिल्ला आयोजना कार्यान्वयन इकाईले दिएका निर्देशनहरु पालना नगरेको लगायतको आरोप पनि लगाइएको छ  ।

ती प्राविधिकहरुको करार सम्झौता भंग गरी नियमानुसार कार्वाही गरिएको राष्ट्रिय पुनर्निर्माण प्राधिकरणले जानकारी दिएको छ । कारबाहीमा पर्नेमा १२ जना इन्जिनियर, ५ जना सब–इन्जिनियर र २ जना असिष्टेण्ट सब–इन्जिनियर छन् । तीमध्ये नुवाकोटमा कार्यरत ८ जना प्राविधिक छन् भने काभ्रेपलाञ्चोकमा कार्यरत ३ जना, सिन्धुपाल्चोकमा कार्यरत २ जना, दोलखामा कार्यरत २ जना, धाडिंगमा कार्यरत २ जना छन् । त्यस्तै, भोजपुर र सोलुखुम्बुमा कार्यरत १–१ जना छन् ।


(२०७६ असार १५, आईतवार) २१:०० मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना