ने.क.पा. लमजुङ जिल्ला सेक्रेटरी सोनाम पोखराबाट गिरफ्तार, जनयुद्धमा बेपत्ताको घरमा आतंक

संबाददाता : ओम हमाल     प्रकाशित मिति: (२०७६ असार ९, सोमबार) २२:४०

विप्लव नेतृत्वको नेपाल कम्युनिस्ट पार्टी को गण्डक ब्युरो सदस्य एबम लमजुङ जिल्ला सेक्रेटरी बिनोद सोनाम पोखराबाट गिरफ्तार भएका छन् ।

पोखरा महानगर पालिका वडा नम्बर १६ तल्लो दीपस्थित जोगिमणिमार्गमा रहेको आफनै डेरा कोठाबाट सोमबार साँझ करीब ८ बजे उनलाई प्रहरीले गिरफ्तार गरेको हो । उनको डेराकोठाबाट प्रहरीले  पार्टीका दस्ताबेज, मार्क्सवाद सम्बन्धी किताबहरु पनि बरानद गरेको बताइएको छ ।

उनको गिरफ्तारीका बारेमा प्रहरीले केही बोलेको छैन भने ने.क.पा.को तर्फबाट आधिकारिक रुपमा कुनै जानकारी सार्वजनिक भएको छैन ।

यसैबीच,  पोखरा महानगरपालिका वडा नं ३२ खुदिखोला सुकुम्बासी बस्ती स्थित बेपत्ता योद्धा सोम बहादुर बिक को घरमा प्रहरीले छापा मारेर आतंक सृजना गरेको खबर छ।

अन्दाजी दस जनाको सङ्ख्यामा हात हतियार सहित आएका प्रहरीको एक जत्थाले  दिउसो तीन बजेको समयमा घरमा छापा मारेर परिवार र छिमेकी समेतलाइ आतंकित बनाएको बेपत्ता योद्धा सोम बहादुरकी आमा मनकुमारि बिकले जानकारी दिइन ।

“तपाईकि छोरी सोममाया खोइ कहाँ बस्छिन ?” भन्दै हतियारधारी सबै प्रहरी घरभित्र नै पसेर खानतलासी गरेको र   घर वरपरका मकैबारिमा समेत छापा मारेको मनकुमारी बिकले बताइन ।

सोम बहादुर बिकलाई तत्कालीन जनयुद्धको क्रममा शाहिसेनाले २०५९ साल असार २३ गते पोखरा गण्डकी हास्पिटल चोक देखि बेपत्ता बनाएको थियो।आफन्त बिरामी भएर भेटन पुगेका सोम बहादुरलाई प्रहरीले बेपत्ता बनाएको परिवारको दाबी छ।

त्यस्तै, पोखराको सिद्धार्थचोक/चिप्लेढुंगा स्थित श्री कम्प्लेक्स कृषि बजारमा सोमबार भेटिएको शंकास्पद बस्तु डिस्पोज गरिएको छ ।

साँझ करिब ५ः३० बजेको समयमा कृषि बजारको सडकमै शंकास्पद बस्तु देखिए पछि नेपाली सेनाको पोखरा एयरपोर्टमा रहेको कालिभन्जन गणको डिस्पोजल टोली ले साँझ करिब सवा  ७ बजे नै डिस्पोज गरेको हो ।

झ्याल टास्न प्रयोग हुने सिलकनको डब्बा भित्र घाडी राखेर कोहीले होक्स (तर्साउने ) बम राखेको हुन सक्ने कास्कीका प्रहरी प्रवक्ता डिएसपी राजकुमार केसीले जानकारी दिए । उक्त घटनाको बारेमा अनुसन्धान भइरहेको प्रहरीले जानकारी दिएको छ  ।

 


(२०७६ असार ९, सोमबार) २२:४० मा प्रकाशित

°
Weather from OpenWeatherMap

मुख्य समाचार

सबै

ने.क.पा.का नेता तथा कार्यकर्ता किसानको खेतबारीमा जनश्रमदानमा ब्यस्त

नेत्रबिक्रम चन्द बिप्लव नेतृत्वको नेपाल कम्युनिस्ट पार्टीका नेता तथा कार्यकर्ताहरु यतिबेला  कालिकोटका विभिन्न गाँउबस्तीमा किसानको खेतबारीमा जनश्रमदान गर्नमा व्यस्त देखिन थालेका छन् । प्रायजसो खुला.....

बिप्लवलाई थकाउन खोज्ने सरकार थकित, वार्ताका लागि भन्दै सम्पर्कसुत्र धुनचक्रका साथ खोजी

विप्लव नेतृत्वको नेपाल कम्युनिष्ट पार्टीलाई  ब्यापक दमन गरेर थकित पारी वार्तामा ल्याउने रणनीति अपनाएको वर्तमान केपी ओली नेतृत्वको सरकारको चौतर्फी आलोचना र बिरोध हुन थालेपछि आफै थकित.....

मन्चका सचिव चौलागाईंको डायरीमा प्रहरीले “विप्लव”को नाम देखेपछि ……… …

प्रहरीहरु नेपाल कम्युनिष्ट पार्टी र त्यस पार्टीका महासचीव विप्लवको नाम देखेपछी कति त्रसित रहेका छन् भन्ने कुरा आइतबार काभ्रेमा भएको एक घटनाले पुस्टि गरेको छ । काभ्रे जिल्लाको.....

Exchange Rate

Nepali Patro