अदालत परिसरबाट गिरफ्तार ने.क.पा. नेता-कार्यकर्तालाई शा.सु. मुद्दा दर्ता

संबाददाता : ओम हमाल     प्रकाशित मिति: (२०७६ जेष्ठ ३२, शनिबार) ०३:५०

उच्च अदालत पोखरा परिसरभित्रको बार एसोसियनको भवनबाट बिहीबार मध्येरती गिरफ्तार गरिएका विप्लव नेतृत्वको नेपाल कम्युनिष्ट पार्टी कास्कीका नौजना नेता तथा कार्यकर्तालाई प्रहरीले शान्ति सुरक्षामा खलल पुर्याएको” भन्दै मुद्दा दर्ता गरेको छ ।

बार एसोसियनको भवनभित्र बसिरहेका ने.क.पा.का नेता तथा कार्यकर्ताहरुलाई प्रहरीले मध्यराती गिरफ्तार गरेर सोझै डाँडाकोनाक प्रहरी चौकीमा लगेकोमा शुक्रबार दिउँसो जिल्ला प्रशासन कार्यालय कास्कीमा उपस्थित गराएर प्रहरीले “शान्ति सुरक्षामा खलल पुर्याएकाले ” भन्दै केही सार्वजनिक अपराध मुद्दा दर्ता गरेको छ ।

शान्ति सुरक्षा खलल पुर्याएको आरोप लागेका ने.क.पा.का नेता तथा कार्यकर्ताहरुमा ने.क.पा. कास्की जिल्ला सेक्रेटरी बिबेक भण्डारी ‘आक्रोश’ , नेकपा कास्कीका जिल्ला सदस्य एबम एरिया इन्चार्ज सन्तोष परियार ‘परिवर्तन’ , पार्टी जिल्ला सदस्य एबम अखिल क्रान्तिकारी केन्द्रीय सदस्य/गण्डक ब्युरो संयोजक मिलन राइ, पार्टी जिल्ला सदस्य एबम अखिल क्रान्तिकारी केन्द्रीय सदस्य/कास्की जिल्ला अध्यक्ष काजी गुरुङ,जिल्ला उपाध्यक्ष आस्था नेपाली, अखिल क्रान्तिकारी पि एन क्याम्पस जिल्ला अध्यक्ष प्रकाश बास्तोला र उपाध्यक्ष एबम सहिद पुत्र सुजन सापकोटा, सचिब राजन साउद र गगन परियार रहेका छन् ।

उनीहरुसहित १८ जना २५ गते घान्द्रुकबाट समातिएकोमा अरुलाई प्रहरीले सार्वजनिक अपराध मुद्दा लगाएको छ भने यिनीहरुलाई राज्यविरुद्धको कसुरमा जिल्ला अदालतबाट म्याद थपेर राखेको थियो।

उनीहरुलाई बिहिबार दिउँसो उच्च अदालत पोखराका माननीय न्यायाधिशद्वय तेजबहादुर कार्की र सुभाष पौडेलको ईजलाशले “प्रहरी हिरासतमा राख्ने कार्य गैरकानूनी” ठहर गर्दै “तुरुन्तै थुनामुक्त गर्न” आदेश दिएको थियो । तर उनीहरुले आफुलाई प्रहरीले फेरी गिरफ्तार गर्न सक्ने सम्भावना देखेपछी उच्च अदालत परिसरभित्रै रहेको बार एसोसिएसनको भवनभित्र सुरक्षित भै बसेका बेला मध्यराती प्रहरीले बार भवनको ताला खोलेर फेरी गिरफ्तार गरेको थियो ।

बिहीबार मध्यराति फेरि पक्राउ गरिएपछि उनीहरुको आफन्तले दालतको आदेश अवज्ञा भएको भन्दै  रिहाइका लागि बन्दी प्रत्यक्षीकरणको रिट उच्च अदालतमा शुक्रबार दर्ता गराएका छन् । पक्राउ परेका जंगबहादुर भण्डारीका आफन्त पृथ्वी भण्डारीले रिट हालेका हुन्।


(२०७६ जेष्ठ ३२, शनिबार) ०३:५० मा प्रकाशित

°
Weather from OpenWeatherMap

मुख्य समाचार

सबै

थुनुवाको मृत्यु भएपछि स्थानीय बासिन्दाद्वारा प्रहरी कार्यालय अगाडि प्रदर्शन

रौतहटमा गाडी दुर्घटना भएर दुई थुनुवाको मृत्यु भएको विरोधमा स्थानीयले प्रहरी कार्यालय अगाडि प्रदर्शन गरेका छन् । प्रहरीको लापरबाहीले थुनुवाको मृत्यु भएको भन्दै स्थानीय वासिन्दाले इलाका प्रहरी कार्यालय.....

लोकप्रिय देशभक्त, क्रान्तिकारी स्रष्टा रसुवाली कवि फेरि गिरफ्तार

लोकप्रिय, देशभक्त, क्रान्तिकारी स्रष्टा,  युवा जनकवि ठाकुरप्रसाद तिम्सिना "रसुवाली कवि"लाई प्रहरीले आज फेरी गिरफ्तार गरेको छ । उनीसंगै पक्राउ परेका नयाँ पत्रिका दैनिकका पत्रकार एबम कबि.....

नेपालमा गणतन्त्र उल्टाउने प्रयास भैरहेको प्रधानमन्त्रीका सल्लाहकारको खुलासा

प्रधानमन्त्री केपी शर्माका परराष्ट्र मामिला सल्लाहकार राजन भट्टराईले जनताको असन्तुष्टिलाई 'सके (राजनीतिक) व्यवस्था नभए सरकारविरूद्ध प्रयोग' गर्न 'बाहिरका र भित्रका शक्ति सक्रिय' रहेको.....

Exchange Rate

Nepali Patro