तिर्थराज घिमिरेको हत्याविरुद्ध ने.क.पा.द्वारा संघर्षको घोषणा, हत्याको बदला जनताले उचित समयमा लिने बिप्लवको उद्घोष

संबाददाता : ओम हमाल     प्रकाशित मिति: (२०७६ जेष्ठ ९, बिहीबार) १२:१५

सरकारले दोहोरो भिडन्तमा भोजपुरका तिर्थराज घिमिरेको मृत्यु भएको दाबी गरे पनि बिद्रोही नेपाल कम्युनिष्ट पार्टीले आफ्ना नेता घिमिरेलाई “नियन्त्रणमा लिएर हत्या गरेको” आरोप लगाएको छ ।

हत्याको दुईदिनपछि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले आज एक प्रेस विज्ञप्ति जारी गर्दै सरकारलाई यस्तो आरोप लगाएका हुन् । उनले “त्यस जघन्य हत्याको बदला जनताले उचित समयमा लिने” उद्घोष पनि गरेका छन् । युवा संगठनका नेता घिमिरेलाई नियन्त्रणमा लिएर हत्या गरेको थाहा पाएर आक्रोशित बनेका ने.क.पा. महासचिव बिप्लवले बुधबार विज्ञप्तिमार्फत जेठ १३ गते नेपाल बन्दसहितको चरणबद्ध संघर्षका कार्यक्रमहरु घोषणा पनि गरेका छन् ।

ने.क.पा.ले गोशाना गरेको चरणबद्ध आन्दोलन अन्तरगत बैशाख १० र ११ गते सरकारी हत्याहिंसाविरुद्ध देशभर भण्डाफोर एबम कोणसभा हुनेछन भने १२ गते देशव्यापी मसाल जुलुस  प्रदर्शन हुनेछ र १३ गते नेपाल बन्द हुनेछ ।

सांगठनिक कामको सिलसिलामा रहेका युवा संगठनका नेता तीर्थराज घिमिरे ‘क.राजु’लाई प्रहरीले मंगलबार भोजपुर र खोटाङको सीमानामा पर्ने मैयुमको धोत्रेमा  केपी-ओली सरकारको ठाडो आदेशमा सुरक्षा फौजले गिरफ्तार गरी दोहोरो भीडन्तको नाममा हत्या गरेकोप्रति महासचिव बिप्लवले विज्ञप्तिमार्फत घोर आपत्ति जनाएका छन् ।

“हत्याको साहारा लिएर कुनै मुक्ति अभियान रोकिएको छैन । केपी सरकारले बुझ्न जरुरी छ कि उसले गरेको जघन्य हत्याको बदला जनताले उचित समयमा लिने नै छन् ।” भन्दै बिप्लवले विज्ञप्तिमार्फत “केपी—पीके सरकारले हाम्रो पार्टीमाथि लगाएको प्रतिबन्ध, गिरफ्तारी, दमन, चरम यातनाका साथै हत्यासम्म उत्रिएर देशलाई योजनाबद्ध तरिकाले गृहयुद्धमा धकेल्ने कुचेस्टा गरिराखेको” आरोप लगाएका छन्  । जनघाती, राष्ट्रघाती, भ्रष्टचारी केपी—पीके सरकारले चलाएको हत्या हिंसाका विरुद्ध आफ्नो पार्टीले  प्रतिरोध गर्नुको विकल्प नरहेको जिकिर उनको छ ।

उनले केपी सरकारको यस्तो निकृष्ट हर्कतको सबै मानवअधिकार कर्मी, नागरिक समाज, पत्रकारले डटेर विरोध गर्ना आव्हान गर्दै तीथराज घिमिरेको हत्या घटनाको सत्यतथ्य छानविन गरी सार्वजनिक गर्न विज्ञप्तिमार्फत जोडदार माग पनि गरेका छन् ।

‘केपी ओलीको सामाजिक फाँसीवादी सरकारकाविरुद्ध देशव्यापी सबै क्षेत्रबाट जनआक्रोश  बढिरहेको अबस्थामा आफ्नो पार्टीप्रति जनताको आकर्षण, विश्वास र भरोसा बढ्दै गएको जिकिर गर्दै विज्ञप्तिमार्फत “सरकारविरुद्ध  पैदा भएको आक्रोसलाई न्युनिकरण गर्न र  आफ्नो अक्षमता लुकाउन, सामान्य राजनैतिक कार्यक्रममा हिडिरहेका युवा संगठनको कार्यकर्ता कमरेड तीर्थ घिमिरेलाई नियन्त्रणमा लिएर भीडन्तको झुठो नाटक रचि निर्ममरुपमा हत्या गरिनुले यो सरकारको फाँसीवादी अनुहार नाङ्गिएको मात्र होइन कि यो सरकारले हत्याको सहारा लिएर जनमुक्ति अभियानलाई रोक्ने दुस्साहास गरिराखेको छ । उनीहरुले यस्तो दुस्सपना नदेखे हुन्छ ।’ भनिएको छ ।


(२०७६ जेष्ठ ९, बिहीबार) १२:१५ मा प्रकाशित

°
Weather from OpenWeatherMap

मुख्य समाचार

सबै

थुनुवाको मृत्यु भएपछि स्थानीय बासिन्दाद्वारा प्रहरी कार्यालय अगाडि प्रदर्शन

रौतहटमा गाडी दुर्घटना भएर दुई थुनुवाको मृत्यु भएको विरोधमा स्थानीयले प्रहरी कार्यालय अगाडि प्रदर्शन गरेका छन् । प्रहरीको लापरबाहीले थुनुवाको मृत्यु भएको भन्दै स्थानीय वासिन्दाले इलाका प्रहरी कार्यालय.....

लोकप्रिय देशभक्त, क्रान्तिकारी स्रष्टा रसुवाली कवि फेरि गिरफ्तार

लोकप्रिय, देशभक्त, क्रान्तिकारी स्रष्टा,  युवा जनकवि ठाकुरप्रसाद तिम्सिना "रसुवाली कवि"लाई प्रहरीले आज फेरी गिरफ्तार गरेको छ । उनीसंगै पक्राउ परेका नयाँ पत्रिका दैनिकका पत्रकार एबम कबि.....

नेपालमा गणतन्त्र उल्टाउने प्रयास भैरहेको प्रधानमन्त्रीका सल्लाहकारको खुलासा

प्रधानमन्त्री केपी शर्माका परराष्ट्र मामिला सल्लाहकार राजन भट्टराईले जनताको असन्तुष्टिलाई 'सके (राजनीतिक) व्यवस्था नभए सरकारविरूद्ध प्रयोग' गर्न 'बाहिरका र भित्रका शक्ति सक्रिय' रहेको.....

Exchange Rate

Nepali Patro