चोरीको आरोपमा सैनिक जवानलाई पोलमा बाँधेर कुटपिट गर्दा मृत्यू

संबाददाता : ओम हमाल     प्रकाशित मिति: (२०७६ जेष्ठ ३, शुक्रबार) १५:३०

चोरी गरेको आरोप लगाएर विजुली पोलमा बाँधेर कुटपिट गरिएका एक सैनिक जवानको मृत्यु भएको समाचार छ ।

स्थानीयहरुको कुटपिटबाट गम्भीर घाइते सखुवासभाको बरादलमा कार्यरत सैनिक जवान सिरहा जिल्लाको बरियारपट्टी गाउँपालिका वडा नं.४ सोहपुर निवासी २२ वर्षीय अनिसकुमार सिंहाईको उपचारको क्रममा मृत्यु भएको हो ।

सैनिक जवान सिंहलाई उनकै वडास्थित तेनुवापट्टी गाउँका विरेक्षण यादबको घरमा चोरी गरेको आरोपमा विजुलीको पोलमा बाँधेर कुटपिट गरेपछि मृत्यु भएको ईलाका प्रहरी कार्यालय पतारीका प्रहरी निरीक्षक कृष्ण श्रेष्ठले जानकारी दिए ।

बैशाख २८ गते शनिवार राती १२ बजे आधारभुत प्राथमिक विद्यालय पुर्व उतरमा रहेको कलबको घरस्थित विजुली पोलमा बाधिएर भएको कुटपिटबाट गम्भीर घाइते भएका सिंहको उपचारका क्रममा जेठ १ गते ४ बजे छाउनी विरेन्द्र सैनिक अस्पताल काठमाण्डौमा मृत्यु भएको प्रहरीले जनाएको छ ।

कुटपिटबाट मृत्यु भएको विरोधमा दोषीलाई पक्राउ गरी कडा कारवाहीको माग गर्दै बिहीवार स्थानीयहरुले सिरहाको सुखीपुर बरियारपट्टी सडक खण्ड विहान ९ बजे देखि साँझ ७ बजे सम्म अवरुद्ध पारेका थिए ।

सडक अबवरुद्धको साथ साथै प्रहरी समेत मुखदर्शक बनेको भन्दै ईलाका प्रहरी कार्यालय बरिषरपट्टीलाई समेत घेराबन्दीमा लिएको थियो । घेरा वन्दीमा लिएपछि जिल्लाबाट र ईलाकाबाट आएका प्रहरी र स्थानीय बिच ३ वुंदे छलफल भएर घेरावन्दी र सडक अवरोध खोलाइएको थियो ।

छलफल बुदांहरुमा मुकदर्शक बनेका प्रहरीलाई कार्वाही , दोषीलाई हदैसम्मको कार्वाही, तीन दिनभित्र अपराधीलाई पक्राउगरी कार्वाही अगाडी बढाउने निर्णय भएको प्रहरी निरीक्षक श्रेष्ठले जनाए । घटनाको बारेमा थप अनुसन्धान भइरहेको जिल्ला प्रहरी कार्यालय सिरहाले जनाएको छ ।

यता, उक्त घटनापश्चात चोरीको आरोप लगाउँदै जाहेरी दिएका विरेक्षण यादवको घरमा ताल्चा लागेको छ । त्यहाँका बासिन्दा त्यस घटना बारे केही बोल्न सक्ने अबस्थामा छैनन् । यतिबेला गाउँमा पुरुषहरुको संख्यामा पनि कमी देखिएको छ । घटनास्थल नजिकैका घरहरुमा पुरुषहरु नै थिएनन् । महिलाहरुले केही बताउन नै चाहेनन् ।


(२०७६ जेष्ठ ३, शुक्रबार) १५:३० मा प्रकाशित

°
Weather from OpenWeatherMap

मुख्य समाचार

सबै

थुनुवाको मृत्यु भएपछि स्थानीय बासिन्दाद्वारा प्रहरी कार्यालय अगाडि प्रदर्शन

रौतहटमा गाडी दुर्घटना भएर दुई थुनुवाको मृत्यु भएको विरोधमा स्थानीयले प्रहरी कार्यालय अगाडि प्रदर्शन गरेका छन् । प्रहरीको लापरबाहीले थुनुवाको मृत्यु भएको भन्दै स्थानीय वासिन्दाले इलाका प्रहरी कार्यालय.....

लोकप्रिय देशभक्त, क्रान्तिकारी स्रष्टा रसुवाली कवि फेरि गिरफ्तार

लोकप्रिय, देशभक्त, क्रान्तिकारी स्रष्टा,  युवा जनकवि ठाकुरप्रसाद तिम्सिना "रसुवाली कवि"लाई प्रहरीले आज फेरी गिरफ्तार गरेको छ । उनीसंगै पक्राउ परेका नयाँ पत्रिका दैनिकका पत्रकार एबम कबि.....

नेपालमा गणतन्त्र उल्टाउने प्रयास भैरहेको प्रधानमन्त्रीका सल्लाहकारको खुलासा

प्रधानमन्त्री केपी शर्माका परराष्ट्र मामिला सल्लाहकार राजन भट्टराईले जनताको असन्तुष्टिलाई 'सके (राजनीतिक) व्यवस्था नभए सरकारविरूद्ध प्रयोग' गर्न 'बाहिरका र भित्रका शक्ति सक्रिय' रहेको.....

Exchange Rate

Nepali Patro