पाकिस्तानको पाँच तारे होटलमा बन्दुकधारीद्वारा आक्रमण

संबाददाता : बुद्धि हमाल     प्रकाशित मिति: (२०७६ बैशाख २९, आईतवार) २०:५०

पाकिस्तानको बलुचिस्तान प्रान्तको ग्वादर शहरस्थित एउटा पाँचतारे होटलमा बन्दुकधारीले आक्रमण गर्दा एक जना सुरक्षाकर्मीको मृत्यु भएको छ ।

होटल पर्ल कन्टिनेन्टलमा प्रवेश गरेका पृथकतावादी संगठन बलोचिस्तान लिबरेसन आर्मीका तीन बन्दुकधारीले आक्रमण गरेका हुन् । बन्दुकधारीलाई रोक्न खोज्ने क्रममा एक सुरक्षाकर्मीको मृत्यु भएको बताइएको छ ।

रमजानको बिदाका कारण होटलमा पाहुना भने नभएको पाकिस्तानी अधिकारीहरुले जनाएका छन् । कर्मचारी पनि कम भएका कारण ठूलो मानवीय क्षति नभएको बताइएको छ ।

बन्दुधकारी भित्र प्रवेश गरेपछि सुरक्षाकर्मीले होटललाई घेरा हालेर नियन्त्रणमा लिएका छन् । घटनाको जिम्मेवारी लिवरेसन आर्मी संगठनले लिएको छ । सामाजिक सञ्जालमार्फत सो संगठनले चीन र विदेशीलाई निशाना बनाउन आक्रमण गरिएको जनाएको छ ।

उसले चीन र पाकिस्तानमा अरु आक्रमण गर्ने चेतावनी पनि दिएको छ ।

बलोचिस्तानको स्थानीय पृथकतावादी संगठनले चिनियाँ गतिविधिको विरोध गर्दै आएको छ । सो संगठनले गत महिना पनि ग्वादरमा आक्रमण गरी ११ सुरक्षाकर्मीसहित १४ जनाको हत्या गरेको थियो ।

पाकिस्तानको सबैभन्दा गरिब र कम विकसित प्रान्त बलुचिस्तानमा लामो समयदेखि पृथकतावादी अभियान जारी छ । ग्वादर चीन र पाकिस्तानबीचको इकोनोमिक करिडोरको मुख्य केन्द्र हा, जहाँ चीनका कयौं इन्जिनियर र कर्मचारी रहेका छन् । (एजेन्सी)


(२०७६ बैशाख २९, आईतवार) २०:५० मा प्रकाशित

°
Weather from OpenWeatherMap

मुख्य समाचार

सबै

ने.क.पा.को भूमिगत सांगठनिक संरचना

रामकृष्ण अधिकारी/अन्नपुर्ण पोस्ट।   नेत्रविक्रम चन्द ‘विप्लव’ नेतृत्वको ने.क.पा.को सञ्जाल भूमिगत शैलीमा चलेको छ। सरकारले प्रतिबन्ध लगाए पनि समूहले भूमिगत शैलीमा केन्द्रदेखि स्थानीय तहसम्म संरचना विस्तार.....

वार्ताको कोकोहोलो मच्चाएर सम्पर्कसुत्र गिरफ्तार गर्दै सरकार, सम्पर्कसुत्र माइला लामालाई ज्यान मुद्दा लगाउने तयारी

बिप्लव नेतृत्वको नेपाल कम्युनिष्ट पार्टीसंग सम्पर्क सुत्रमार्फत अनौपचारिक वार्ता गरिरहेको कोकोहोलो मच्चाइरहेको वर्तमान सरकारले तिनै सम्पर्कसुत्रको रुपमा काम गरिरहेका नेपाल.....

जनवादी कलाकार एबम ने.क.पा.का उपत्यका इन्चार्ज माइला लामा गिरफ्तार !

जनवादी कलाकार एबम बिप्लव नेतृत्वको नेपाल कम्युनिष्ट पार्टीका केन्द्रिय सदस्य तथा उपत्यका ब्युरो इन्चार्ज माइला लामालाई प्रहरीले शनिबार मध्ये राती भक्तपुरबाट गिरफ्तार प्रयास गरेको छ। .....

Exchange Rate

Nepali Patro