अदालतले छाडेपनि ने.क.पा. गोर्खाका इन्चार्ज र सेक्रेटरी फेरि गिरफ्तार

संबाददाता : ओम हमाल     प्रकाशित मिति: (२०७६ बैशाख २८, शनिबार) ०४:२२

जिल्ला अदालत गोरखाले धरौटीमा रिहा गर्न आदेश दिएपनि विप्लव नेतृत्वकाे ने.क.पा.का दुई नेतालाई प्रहरीले फेरि गिरफ्तार गरेको छ । पार्टीका जिल्ला इञ्चार्ज योगेन्द्र कुमाल र सेक्रेटरी कपिल भट्टलाई प्रहरीले फेरि गिरफ्तार गरेको हो  । उनीहरुलाई अदालतले पाँच/पाँच हजार रुपैयाँ धरौटीमा रिहा गर्न आदेश दिएको थियो ।

प्रहरीलाई घाइते बनाएको र बम विस्फोटसम्बन्धी दुई वटा मुद्दामा अनुसन्धानका लागि फेरि उनीहरुलाई गिरफ्तार गरिएको प्रहरी प्रमुख एसपी भोला रावलले जानकारी दिए । जिल्ला अदालतबाट पक्राऊ आदेश लिएरै भट्ट र कुमाललाई पक्राउ गरिएको उनको भनाइ छ ।

वैशाख २२ गते पालुङटारबाट नियन्त्रणमा लिने क्रममा सेक्रेटरी भट्टले धकेल्दा एक प्रहरी घाइते भएको प्रहरीको दाबी छ । धकेलाधकेलका क्रममा जिल्ला सेक्रेटरी भट्ट पनि घाइते भएका थिए ।

प्रहरीले छुट्टाछुट्टै मितिमा पक्राउ गरी राजद्रोहकै मुद्दा चलाइएका जिल्ला जनपरिषद प्रमुख विष्णु रिजाल र जिल्ला कमिटी सदस्यअञ्जु कुमाल भने पाँच/पाँच हजार रुपैयाँ धरौटीमा रिहा भएका छन् ।


(२०७६ बैशाख २८, शनिबार) ०४:२२ मा प्रकाशित

°
Weather from OpenWeatherMap

मुख्य समाचार

सबै

ने.क.पा.को भूमिगत सांगठनिक संरचना

रामकृष्ण अधिकारी/अन्नपुर्ण पोस्ट।   नेत्रविक्रम चन्द ‘विप्लव’ नेतृत्वको ने.क.पा.को सञ्जाल भूमिगत शैलीमा चलेको छ। सरकारले प्रतिबन्ध लगाए पनि समूहले भूमिगत शैलीमा केन्द्रदेखि स्थानीय तहसम्म संरचना विस्तार.....

वार्ताको कोकोहोलो मच्चाएर सम्पर्कसुत्र गिरफ्तार गर्दै सरकार, सम्पर्कसुत्र माइला लामालाई ज्यान मुद्दा लगाउने तयारी

बिप्लव नेतृत्वको नेपाल कम्युनिष्ट पार्टीसंग सम्पर्क सुत्रमार्फत अनौपचारिक वार्ता गरिरहेको कोकोहोलो मच्चाइरहेको वर्तमान सरकारले तिनै सम्पर्कसुत्रको रुपमा काम गरिरहेका नेपाल.....

जनवादी कलाकार एबम ने.क.पा.का उपत्यका इन्चार्ज माइला लामा गिरफ्तार !

जनवादी कलाकार एबम बिप्लव नेतृत्वको नेपाल कम्युनिष्ट पार्टीका केन्द्रिय सदस्य तथा उपत्यका ब्युरो इन्चार्ज माइला लामालाई प्रहरीले शनिबार मध्ये राती भक्तपुरबाट गिरफ्तार प्रयास गरेको छ। .....

Exchange Rate

Nepali Patro