कास्की जिल्ला जनसरकार प्रमुख गुरुङ पक्राउ

संबाददाता : ओम हमाल     प्रकाशित मिति: (२०७५ चैत्र १६, शनिबार) २०:२३

सरकारले प्रतिबन्ध लगाएसँगै नेक्रवित्रम चन्द ‘विप्लव’ नेतृत्वको नेकपाका कार्यकर्ताहरु धमाधम पक्राउ परिरहेका छन् । यसैक्रममा शुक्रबार कास्की जिल्ला जनसरकार प्रमुख रामकाजी गुरुङ पक्राउ परेका छन् ।

निर्माण व्यवसायी समेत रहेका गुरुङ पोखरा महानगरपालिका वडा नम्बर २५ याम्दीमा निर्माणाधीन स्वीमिंग पुलमा काम गरिरहेका बखत उनलाई  शुक्रबार प्रहरीले पक्राउ गरेको बताइएको छ ।

गत मंगलबार मात्र तमुवान् जनसरकार प्रमुख किसानसिंह गुरुङलाई प्रहरीले पोखरा –  २७ रिठेपानीस्थित आफ्नै निवासबाट पक्राउ गरिएको थियो।

त्यस अघि प्रहरीले विप्लव नेतृत्वको नेकपा कार्यकर्ता रहेको आरोपमा अखिल नेपाल सेक्युरिटी मजदुर संघ क्रान्तिकारीका कास्की जिल्ला संयोजक अमृत सापकोटालाइ पक्राउ गरेको थियो l प्रहरीले विप्लव नेतृत्वको नेकपा समर्तक रहेको आरोपमा सर्वसाधारण नागरिकहरु गणेश अधिकारी, खड्का राई, उमानाथ बास्तोला लगायतलाइ पक्राउ गरी मुद्दा चलाएको छ  ।

यसैबीच प्राप्त जानकारी अनुसार, कास्की जिल्लाको लेखनाथ घर भएका ‘विप्लव’ नेतृत्वको नेकपा स्याङ्गजाका सेक्रेटरी गोकुल पराजुली र रुकुम घर भएका मजदुर नेता गोविन्द ओलीलाई प्रहरीले शुक्राबार स्यान्ग्जामा पक्राउ गरेको छ   ।


(२०७५ चैत्र १६, शनिबार) २०:२३ मा प्रकाशित

°
Weather from OpenWeatherMap

मुख्य समाचार

सबै

इलाका प्रहरी कार्यालय बिर्तामोडमा गैरकानूनी थुनामा रहेका नाबालककाे रहस्यमय मृत्यु

इलाका प्रहरी कार्यालय बिर्तामोडको हिरासतमा रहेका नाबालक मेचीनगर–६ का १५ वर्षीय किरण कार्कीडोली दर्जीकोको रहस्मृयमय मृत्यु भएको छ । प्रहरीले यसलाई आत्महत्या भनेको छ भने आफन्तले यातनाबाट बालकको मृत्यु.....

नेपालमा फेरि नयाँ संघर्ष जरुरी भइसकेको छ : बिप्लव, महासचिव, ने.क.पा.

प्रतिबन्धित नेपाल कम्युनिस्ट पार्टीका महासचिव नेत्रविक्रम चन्द विप्लवले जनताको वास्तविक मुक्ति ल्याउन र देशलाई बचाउन फेरि नयाँ संघर्ष जरुरी भइसकेको बताएका छन् । आफ्ना नेता,.....

पक्राउ परेका पत्रकार गिरी साधारण तारेखमा रिहा

समाचार लेखेकै आधारमा साइबर अपराध मुद्दामा अनुसन्धानका लागि पक्राउ परेका पोखराका पत्रकार अर्जुन गिरी बिहीबार साधारण तारेखमा रिहा भएका छन् । उनीलाइ साधारण तारेखमा रिहा गर्न काठमाडौं.....

Exchange Rate

Nepali Patro