ने.क.पा.का नेता-कार्यकर्ता गिरफ्तारी जारी, पोलिटब्युरो सदस्य जिवान्तलाई सात दिन म्याद थप

संबाददाता : ओम हमाल     प्रकाशित मिति: (२०७५ चैत्र ८, शुक्रबार) ०४:१०

सरकारले प्रतिबन्ध लगाए यता बिप्लव नेतृत्वको नेपाल कम्युनिष्ट पार्टीका नेता तथा कार्यकर्ता तीब्ररुपमा गिरफ्तार हुन थालेका छन् भने केही हिरासतमुक्त पनि भएका छन् ।

गिरफ्तारीकै क्रममा पोखराबाट एकजना मजदुर नेता र राजधानी काठमान्डौबाट थप एकजना बिद्यार्थी नेता गिरफ्तार भएका छन् । पोखराको पृथ्वीचोकबाट अखिल नेपाल सेक्युरिटी मजदुर संघ कास्कीका अध्यक्ष अमृत सापकोटालाइ प्रहरीले दुईदिन अघि गिरफ्तार गरेकोछ भने अखिल (क्रान्तिकारी) नेपाल कमर्स क्याम्पस काठमाडौका अध्यक्ष प्रकाश काजी कठायतलाई आज प्रहरीले गिरफ्तार गरेको छ ।

यसैबीच प्राप्त जानकारीअनुसार,नेपाल कम्युनिष्ट पार्टीका पोलिटव्यूरो सदस्य एबम जनवर्गीय संगठन बिभाग इन्चार्ज मोहन कार्की जीवन्तलाई सात दिनको म्याद थप गरी हिरासतमा राखिएको छ । चैत्र १ गते राति पक्राउ परेका नेता जीवन्तलाई आज सात दिनको म्याद थपेर लगिएको हो । उनलाई राजद्रोहको मुद्धामा म्याद थप गरिएको हो । त्यस्तै  आजै मंगलबार पक्राउ परेका नुम बहादुर विक र बिशाल तामागंलाई पनि पाचँ दिनको म्याद थपेर लगिएको खबर छ ।

उता फागुण २४ गते काठमाण्डौं शान्तिबाटीकामा अन्तराष्ट्रिय श्रमिक महिला दिवसको अवसरमा र्याली र कार्यक्रम गर्ने क्रममा हस्तक्षेप गरी प्रहरीले पक्राउ गरेका ने.क.पा.का ६ जना नेता कार्यकर्ताहरु। रिहा भएका छन् ।

सर्वोच्चमा बन्दी प्रत्यक्षीकरणको रिटमा आदेश भए पछि उनीहरु रिहा भएका हुन् ।

रिहा हुनेहरुमा महिला संगठनकी नेतृहरु गौरा धामी पूर्णिमा, विमला भूजेल, विमला भण्डारी, रुकमिणी पुडासैनी, नवीन विष्ट र राजन अधिकारी रिहा भएका हुन् ।


(२०७५ चैत्र ८, शुक्रबार) ०४:१० मा प्रकाशित

°
Weather from OpenWeatherMap

मुख्य समाचार

सबै

बैद्य माओवादीका केन्द्रीय सदस्य श्रेष्ठसहित १७ जनालाई प्रहरीद्वारा हातपात गर्दै गिरफ्तार

विगत ५ दिनदेखि त्रिवि सेवा आयोग परिसरमा धर्नामा बसिरहेका  मोहन वैद्य नेतृत्वको नेपाल कम्युनिष्ट पार्टी (क्रान्तिकारी माओवादी) का केन्द्रीय सदस्यसहित १७ जनालाई प्रहरीले गिरफ्तार गरेको छ । सोमबार.....

सुदुरपश्चिममा ब्यापक प्रहरी दमन : प्रतिरोधमा उत्रन ने.क.पा.को आव्हान

सुदूर पश्चिमका बिभिन्न जिल्लामा व्यापक मात्रामा परिचालित प्रहरीले गैर कानुनी गिरफ्तारी र धरपकडका साथमा दमन  गर्न थालेपछी आक्रोशित विप्लव नेतृत्वको नेपाल कम्युनिष्ट पार्टीले  सरकारी.....

बझाङमा जीप दुर्घटना : ६ जनाको ज्यान गयो, ६ घाईते

बझाङ सदरमुकाम चैनपुरनजिकै रहेको डुङ्रीबाट मष्टा गाँउपालिका जाँदै गरेको स. १ ज १०७२ नम्बरको जीप डौठी भन्ने ठाँउमा दुर्घटना हुँदा ६ जनाको ज्यान गएको छ भने ६ जना गम्भीर घाइते भएका छन् । वडा.....

Exchange Rate

Nepali Patro