सम्पूर्ण पार्टी पंक्ति, जनमुक्ति सेना, क्रान्तिकारी जनपरिषद्लाई प्रतिबन्धको सामना गर्न ने.क.पा. नेता सुदर्शनको आव्हान

संबाददाता : ओम हमाल     प्रकाशित मिति: (२०७५ चैत्र ५, मंगलवार) ०६:४९

नेपाल कम्युनिस्ट पार्टीका स्थायी समिति सदस्य तथा मध्यकेन्द्रीय कमान्ड इन्चार्ज हेमन्तप्रकाश ओली ‘सुदर्शन’ ले पार्टीमाथि लागेको प्रतिबन्धको सम्पूर्ण पार्टी पंक्ति, जनमुक्ति सेना, क्रान्तिकारी जनपरिषद्लाई धैर्यपूर्वक सामना गर्न आव्हान गरेका छन् । ने.क.पा. का कमान्ड इन्चार्ज सुदर्शनले पार्टीको मध्य केन्द्रीय कमान्डको अभियानको समीक्षा कार्यक्रममा शनिबार प्रशिक्षण दिँदै  आफ्नो पार्टी पंक्तिलाई यस्तो आव्हान गरेका हुन् ।

नेता सुदर्शनले आफ्नो पार्टीमाथि लगाइएको भनिएको प्रतिबन्धका विरुद्ध आवाज उठाउने सबै क्रान्तिकारी पार्टीहरू, देशभक्तहरू र सच्चा लोकतन्त्रवादीहरूलाई हार्दिक धन्यवाद समेत दिएका छन् । उनले भनेका छन्, ‘सरकारले हाम्रो पार्टीमाथि प्रतिबन्ध लगाउनुको अर्थ हाम्रो पार्टी बलियो र सरकार कमजोर हुनुको परिणाम हो । हाम्रो पार्टीका महासचिव विप्लवको नेतृत्वमा सम्पूर्ण पार्टीपङ्क्ति, जनमुक्ति सेना, नेपाल क्रान्तिकारी जनपरिषद् सबैखाले प्रतिबन्धको सामना गर्ने तयार रहेका छन् ।’

आफ्नो पार्टीमाथि प्रतिबन्ध लगाउनुको अर्थ जनतामा पार्टीको प्रभाव बढ्दै गएको प्रमाणित भएको विश्लेषण गर्दै उक्त प्रतिबन्धबाट आतङ्कित नहुन नेता, कार्यकर्ता र जनतालाई आग्रह गरे ।

आफ्नो पार्टीमाथि लगाइएको प्रतिबन्ध नकरात्मकताभित्रको सकारात्मक भएको प्रट पार्दै नेता सुदर्शनले उक्त प्रतिबन्धलाई आफ्नो पार्टीले चुनौतीका रूपमा लिएको बताउंदै उनले अब देशका क्रान्तिकारी, देशभक्त शक्ति र सच्चा लोकतन्त्रवादीहरूका विचमा संयुक्त मोर्चा खडा हुने आधार तयार भएको दाबी गरे ।

नेकपाको पूर्वी ताम्सालिङं ब्युरो इन्चार्ज विजयको सञ्चालन र केन्द्रीय सदस्य उत्तमले स्वागत भाषण गरेको समीक्षा कार्यक्रममा मध्य केन्द्रीय कमान्डमा परिचालित अभियान टोलीलाई बिदाइ गरिएको थियो ।


(२०७५ चैत्र ५, मंगलवार) ०६:४९ मा प्रकाशित

°
Weather from OpenWeatherMap

मुख्य समाचार

सबै

बैद्य माओवादीका केन्द्रीय सदस्य श्रेष्ठसहित १७ जनालाई प्रहरीद्वारा हातपात गर्दै गिरफ्तार

विगत ५ दिनदेखि त्रिवि सेवा आयोग परिसरमा धर्नामा बसिरहेका  मोहन वैद्य नेतृत्वको नेपाल कम्युनिष्ट पार्टी (क्रान्तिकारी माओवादी) का केन्द्रीय सदस्यसहित १७ जनालाई प्रहरीले गिरफ्तार गरेको छ । सोमबार.....

सुदुरपश्चिममा ब्यापक प्रहरी दमन : प्रतिरोधमा उत्रन ने.क.पा.को आव्हान

सुदूर पश्चिमका बिभिन्न जिल्लामा व्यापक मात्रामा परिचालित प्रहरीले गैर कानुनी गिरफ्तारी र धरपकडका साथमा दमन  गर्न थालेपछी आक्रोशित विप्लव नेतृत्वको नेपाल कम्युनिष्ट पार्टीले  सरकारी.....

बझाङमा जीप दुर्घटना : ६ जनाको ज्यान गयो, ६ घाईते

बझाङ सदरमुकाम चैनपुरनजिकै रहेको डुङ्रीबाट मष्टा गाँउपालिका जाँदै गरेको स. १ ज १०७२ नम्बरको जीप डौठी भन्ने ठाँउमा दुर्घटना हुँदा ६ जनाको ज्यान गएको छ भने ६ जना गम्भीर घाइते भएका छन् । वडा.....

Exchange Rate

Nepali Patro