ने.क.पा.का पोलिटब्युरो सदस्य जिवन्त गिरफ्तार

संबाददाता : ओम हमाल     प्रकाशित मिति: (२०७५ चैत्र ३, आईतवार) ०७:००

नेपाल कम्युनिष्ट पार्टीको पोलिटब्युरो बैठक चलिरहेको हल्ला चलिरहेकै बखत सो पार्टीका पोलिटब्युरो सदस्य मोहन कार्की (जीवन्त)लाई प्रहरीले गिरफ्तार गरेको छ ।पार्टीको जनवर्गीय संगठन इन्चार्ज समेत रहेका नेता जिवान्तलाई शुक्रबार साँझ ललितपुरबाट गिरफ्तार गरिएको पारिवारिक श्रोतले जानकारी दिएको छ । उनलाई आतंकवाद र राजनीतिक गतिविधिमाथि सुक्ष्म निगरानी गर्ने प्रहरीको इकाइ विशेष ब्यूरो अन्तरगतका सादा पोसाकका प्रहरीले शुक्रबार साँझ बेलुकी ८ बजेतिर गिरफ्तार गरेको जनाइएको छ ।

नेता `जीवन्त´ रक्तचाप र मधुमेहका बिरामी हुन् । हाल उनलाई कहाँ राखिएको छ भन्ने बारेमा केही खुलाईएको छैन । नेता जिवन्त यसअघि पनि बुटवलबाट काठमाडौँ आउनेक्रममा थानकोटबाट अर्का नेता कृष्ण धमला (गम्भीर)सँगै पक्राउ परेर रिहा भएका थिए ।

सरकारले सो पार्टीमाथि प्रतिबन्ध लगाएपछि पक्राउ पर्ने नेताहरुमा नेता जिवन्त हलासम्मकै ठुला नेता हुन्  । यसअघि पार्टी केन्द्रीय सदस्य एबम अखिल नेपाल महिला संघ (क्रान्तिकारी)की केन्द्रीय अध्यक्ष बन्दु चन्द, पार्टी केन्द्रीय सदस्य एबम अखिल नेपाल किसान महासंघका केन्द्रीय अध्यक्ष राजु कार्की, नेकपाका नेताहरु केदार खतीवडा, सुर्य भुजेल, खेम खड्का, देवकुमार लिम्बु लगायत देशैभरी दर्जनौँ नेता-कार्यकर्तालाई प्रहरीले गिरफ्तार गरेको छ ।


(२०७५ चैत्र ३, आईतवार) ०७:०० मा प्रकाशित

°
Weather from OpenWeatherMap

मुख्य समाचार

सबै

बैद्य माओवादीका केन्द्रीय सदस्य श्रेष्ठसहित १७ जनालाई प्रहरीद्वारा हातपात गर्दै गिरफ्तार

विगत ५ दिनदेखि त्रिवि सेवा आयोग परिसरमा धर्नामा बसिरहेका  मोहन वैद्य नेतृत्वको नेपाल कम्युनिष्ट पार्टी (क्रान्तिकारी माओवादी) का केन्द्रीय सदस्यसहित १७ जनालाई प्रहरीले गिरफ्तार गरेको छ । सोमबार.....

सुदुरपश्चिममा ब्यापक प्रहरी दमन : प्रतिरोधमा उत्रन ने.क.पा.को आव्हान

सुदूर पश्चिमका बिभिन्न जिल्लामा व्यापक मात्रामा परिचालित प्रहरीले गैर कानुनी गिरफ्तारी र धरपकडका साथमा दमन  गर्न थालेपछी आक्रोशित विप्लव नेतृत्वको नेपाल कम्युनिष्ट पार्टीले  सरकारी.....

बझाङमा जीप दुर्घटना : ६ जनाको ज्यान गयो, ६ घाईते

बझाङ सदरमुकाम चैनपुरनजिकै रहेको डुङ्रीबाट मष्टा गाँउपालिका जाँदै गरेको स. १ ज १०७२ नम्बरको जीप डौठी भन्ने ठाँउमा दुर्घटना हुँदा ६ जनाको ज्यान गएको छ भने ६ जना गम्भीर घाइते भएका छन् । वडा.....

Exchange Rate

Nepali Patro