आफ्नो पार्टीलाई प्रतिवन्ध लगाउने निर्णयको सशक्त प्रतिवाद गर्ने विप्लव नेतृत्वको ने.क.पा.को घोषणा

संबाददाता : ओम हमाल     प्रकाशित मिति: (२०७५ फाल्गुन २९, बुधबार) ०५:३३

आफ्नो पार्टीलाई अपराधी ठहर गर्दै वर्तमान फाँसीवादी सामाजिक दलाल सत्ताले प्रतिबन्ध लगाएको घोषणा गरे लगत्तै विप्लव नेतृत्वको नेपाल कम्युनिष्ट पार्टीले सरकारी घोषणा को प्रतिवाद गर्ने बताएको छ ।

विप्लव नेतृत्वको पार्टी नेकपाका केन्द्रीय कार्यालय सचिव भेषराज भुसालले काठमाण्डौस्थित एक संचार माध्यमसंग कुरा गर्दै सरकारी घोषणाको प्रतिवाद गर्ने बताए ।  उनले अघि भने, ‘सरकारले आज गरेको निर्णले जनताको सिमित अधिकारमाथि नांगो हस्तक्षेप र षड्यन्त्र गर्यो । पार्टीले यसको प्रतिवाद गर्छ ।’

नेता भुषालले सरकारको यो निर्णयले जनताको पक्षमा लडिरहेको नेकपालाई कुनै असर नगर्ने दावी गरे । उनले जनताको पक्षमा लडिरहने प्रतिवद्धता पनि जनाए ।

उता नेपाल कम्युनिष्ट पार्टीका पोलिटब्युरो सदस्य एबम जनवर्गीय संगठन ब्युरो इन्चार्ज जिवन्तले पनि आफ्नो पार्टीले सरकारी घोषणाको कडा प्रतिवाद गर्ने बताएका छन् । उनले अघि भनेका छन्, “‘सामाजिक फासीवादी दलाल  केपी–प्रचण्ड सरकारले जनताको पार्टी ने.क.पा.माथि प्रतिबन्ध लगाएर मुलुकलाई द्वन्द्वमा पुर्यायो l यसबाट सरकार पार्टीमाथि दमनमा उत्रने बाटो खुलेको छ, अब पार्टीले कडा प्रतिवाद गर्छ ।’

उनले आफ्नो पार्टीलाई प्रतिबन्ध लगाउने सरकारी  निर्णय महंगो पर्ने दाबी गरे । तर कति र कस्तो महँगो पर्ने हो प्रस्ट पारेनन् ।  मुलुकलाई द्वन्द्वमा धकेलेको वर्तमान जनघाती एबम रास्ट्रघाती  सामाजिक फाँसीवादी दलाल सरकारका बिरुद्ध कडा र सशक्त प्रतिवाद गर्नुको बिकल्प नरहेको दाबी गर्दै उनले आफ्नो पार्टीको नेतृत्वमा प्रतिवाद हुने स्पस्ट पारे

ने.क..पा.को परिवर्तनकारी राजनीतिक कार्यक्रम र त्यसप्रति देशैभरबाट भइरहेको जनताको समर्थनको लहरबाट आतिएर सरकारले ने.क.पा.लाई राजनीतक गतिविधि गर्नै नदिने प्रतिक्रियावादी सोचले प्रतिबन्ध लगाउने निर्णय गरेको उनको धारणा छ । सरकारले जनतामा छरेको भ्रम चिर्ने र बिनकारण झुठा मुद्दा लगाएर जेल र हिरासतमा राखिएका हाम्रा नेता कार्यकर्ताहरुको रिहाईको लागि सशक्त संघर्ष जारी राख्ने पनि उनले बताए ।

आउँदो ३० गते बिहीबार ने.क.पा.ले घोषणा गरेको नेपाल बन्दलाई सशक्त र सफल तुल्याउन पनि उनले सबैसँग अपिल गरे ।


(२०७५ फाल्गुन २९, बुधबार) ०५:३३ मा प्रकाशित

°
Weather from OpenWeatherMap

मुख्य समाचार

सबै

युवा संगठनद्वारा लेखनाथमा सरकारी प्रतिबन्धविरुद्ध कोणसभा सम्पन्न

सरकारद्वारा प्रतिबन्धित नेत्र बिक्रम चन्द 'विप्लब' नेतृत्वको नेपाल कम्युनिष्ट पार्टी समर्थित युवा संगठन नेपाल जिल्ला संगठन समिति कास्कीले आज कास्की जिल्लाको लेखनाथस्थित पटनेरीमा सरकारी.....

काठमाण्डौ जाँदै गरेको बस त्रिशुलीमा खस्दा पाँचको मृत्यु, २९ यात्री घाइते

झापाको काकडभिट्टाबाट काठमाडौंका लागि छुटेको ना ७ ख ४३८७ नम्बरको यात्रुबाहक बस आज बिहान ६ बजे धादिङ जिल्लाको गजुरी गाउँपालिका –६ बन्छेटारस्थित त्रिशुली नदिमा  खस्दा पांच जना यात्रुको.....

सरकारी थिंक ट्यांकका संयोजक प्रा.डा. चैतन्य मिश्रद्वारा पदबाट राजिनामा

सरकारलाई आर्थिक, सामाजिक, राजनीतिकलगायतका सुझावहरु दिन बनेको नीति अनुसन्धान प्रतिष्ठान (थिंक ट्यांक) का संयोजक प्रा.डा. चैतन्य मिश्रले पदबाट राजीनामा दिएका छन्। तीन वर्षका लागि नियुक्त.....

Exchange Rate

Nepali Patro