विप्लव नेतृत्वको ने.क.पा.का पत्रकार अब “जनपत्रकार”

संबाददाता : ओम हमाल     प्रकाशित मिति: (२०७५ फाल्गुन १५, बुधबार) ०७:१०

कानूनीसँगै प्राविधिक समस्या देखिएपछी नेत्रविक्रम चन्द ‘विप्लव’ नेतृत्वको नेपाल कम्यूनिष्ट पार्टीको भातृ संगठन क्रान्तिकारी पत्रकार संगठनले आफ्नो नाम परिवर्तन गरी ‘जनपत्रकार संगठन नेपाल’ राखेको छ । पार्टीको निर्देशनअनुसार गत पुस ७ र ८ गते बुटवलमा बसेको संगठनको दोश्रो केन्द्रीय समितिको पूर्ण बैठकको निर्णय अनुसार संगठनको नाम ‘जनपत्रकार संगठन नेपाल’ राखेको हो ।

यस अघि ने.क.पा.ले प्रकाश डुम्रेको नेतृत्वमा रहेको क्रान्तिकारी पत्रकार संगठनको  टिमलाई पार्टीको आधिकारिक भात्री संगठन भनेको भए पनि पार्टीले कारवाही गरेका डिल्ली राउत टिमले पनि आफुहरु पार्टीकै आधिकारिक संगठन भएको भन्दै विभिन्न गतिविधिहरु गरिरहेका थिए  । त्यसै बिचमा पार्टीको भात्री संगठन भनिएको र जिल्ला प्रशासन कार्यालय काठमाण्डौमा दर्ता रहेको क्रान्तिकारी पत्रकार संगठन राउत टिमले नवीकरण गरी आफ्नो पकडमा लिएपछि डुम्रे नेतृत्वको क्रान्तिकारी पत्रकार संगठनलाई अर्को नाम छनोट गर्न बाध्यता सृजना भएको थियो ।

डुम्रे नेतृत्वको क्रान्तिकारी पत्रकार संगठनले प्रेस तथा अभिव्यक्ति स्वतन्त्रताका पक्षमा देशव्यापी अन्तरक्रिया गर्नुका साथै संगठन निर्माण तथा पुनर्गठन कार्यलाई तीब्रता दिएको थियो भने राउत टिमले काठमाण्डौंमा रहेका केही संचार माध्यममा बिभिन्न दबाबकारी आन्दोलन गरेको थियो ।

पार्टीले डुम्रे नेतृत्वको क्रान्तिकारी पत्रकार संगठन आधिकारिक भात्री संगठन भएको स्पस्ट पारे पनि श्रमजीवी पत्रकारहरुको पक्षमा लड्ने दाबीका साथ राउत टिम पनि पत्रकार र संचार माध्यमबीच गएपछि केही भ्रम सिर्जना भाको महसुस सर्वत्र गरिएको थियो । यसै बिचमा क्रान्तिकारी पत्रकार संगठनका नाममा केही अवान्छित गतिबिधि भएपछी त्यस्तो अवान्छित गतिबिधि कुन टिमले गरेको हो भन्ने बारेमा सर्वसाधारणमा अन्यौलता छाएको थियो ।

प्रकाश डुम्रे नेतृत्वको क्रान्तिकारी पत्रकार संगठनले मंगलबार काठमाण्डौमा एक पत्रकार सम्मेलनको आयोजना गरी आफ्नो संगठनको नाम परिवर्तन गरी जनपत्रकार संगठन नेपाल राखिएको घोषणा गर्यो ।  सोही अवसरमा अध्यक्ष प्रकाश डुम्रेले जनपक्षीय पत्रकारिता चुनौतिपूर्ण बन्दै गैरहेको उल्लेख गर्दै चुनौतीपूर्ण बनिरहेको जनपक्षीय पत्रकारिताओ पक्षमा आफ्नो संगठनले गर्ने हरेक आन्दोलन र संघर्षमा साथ्थ दिन आम पत्रकार र संचार माध्यमसंग आव्हान गरेका थिए l


(२०७५ फाल्गुन १५, बुधबार) ०७:१० मा प्रकाशित

°
Weather from OpenWeatherMap

मुख्य समाचार

सबै

सरकारी थिंक ट्यांकका संयोजक प्रा.डा. चैतन्य मिश्रद्वारा पदबाट राजिनामा

सरकारलाई आर्थिक, सामाजिक, राजनीतिकलगायतका सुझावहरु दिन बनेको नीति अनुसन्धान प्रतिष्ठान (थिंक ट्यांक) का संयोजक प्रा.डा. चैतन्य मिश्रले पदबाट राजीनामा दिएका छन्। तीन वर्षका लागि नियुक्त प्रा.डा. चैतन्य.....

अखिल (क्रान्तिकारी) अध्यक्ष एबम् कानुन व्यवसायी ढकाल रिहा, पुनः पक्राउ गर्न खोजेपछि झडप, चार कानुन व्यवसायी घाइते

अखिल (क्रान्तिकारी)का अध्यक्ष तथा कानुन व्यावसायी चिरन्जीवी ढकाल रिहा भएका छन् । गत वैशाख २७ गते शुक्रवार ११ बिद्यार्थी संगठनको संयुक्त पत्रकार सम्मेलनबाट गिरफ्तार अध्यक्ष ढकाल रिहा.....

चितवनको सडक बोर्डको ढाँटमा आगजनी, असई खड्का घाईते, रेवान सौराहा अध्यक्ष गिरी पक्राउ

आउँदा–जाँदासमेत राजश्व तिर्नु परेपछि वाक्क बनेका स्थानीय बासिन्दाले पूर्व पश्चिम राजमार्गअन्तर्गत चितवनको टिकौलीमा रहेको सडक बोर्डको कर उठाउने ढाँटमा आगो लगाएका छन् । आगलागीबाट.....

Exchange Rate

Nepali Patro