आपसी अन्तरबिराेधमा फसेको वर्तमान सरकारबाट समृद्ध नेपाल र सुखी नेपालीको आशा गर्न हुन्न : ओम प्रकाश पुन

संबाददाता : ओम हमाल     प्रकाशित मिति: (२०७५ माघ २८, सोमबार) ०५:०१

विप्लव नेतृत्वको नेपाल कम्युनिष्ट पार्टीका पोलिटब्युरो सदस्य ओमप्रकाश पुनले सत्ता स्वार्थका लागि आपसी अन्तरबिराेधमा फसेको वर्तमान केपी ओली सरकारबाट नेपाली जनताले समृद्ध नेपाल र सुखी नेपालीको आशा गर्न नहुने बताएका छन् ।

पार्टीको संगठन सुदृढीकरण तथा बिस्तार अभियान – २ काे २७ औं दिन मेचिकाे अभियान टाेलिले माेरङ, धनकुटा, पाँचथर तथा ईलाम संगमस्थल ६ नम्बर बुधबारे बजारमा आयोजना गरेको जनसभामा बोल्दै नेता पुनले यस्तो कुरा बताएका हुन् । उनले सत्ता स्वार्थ र अस्तित्व रक्षाकाे लागि एमाले र माओवादी केन्द्रबीच गरिएको दक्षिणपन्थी अवसरवादीहरुकाे एकताले देश र जनतालाई हित भन्दा बढी अहित गरिरहेको जिकिर गरे l देशमा हत्या र बलात्कार काण्ड , वाइड बडि जहाज काण्ड, सुन काण्ड, राजदुत काण्ड, गुण्डाराज काण्ड हुदै हाल आएर भेनेजुयला काण्ड लगायतका काण्डहरुलाई ओली सरकारले जनताको अहितमा गरेका कामहरुको रुपमा नेता पुनले प्रस्तुत गरे ।  विभिन्न काण्डहरुमा फसेर अाफ्नाे संकट अाफै निम्त्याएको वर्तमान सरकारका प्रधानमन्त्री केपि ओली चीन र पश्चिमा देशहरुको बैशाखीमा सत्तामा टिक्ने खेल खेलिरहेको अवस्थामा प्रचण्ड भारतको सहयोगमा ओलीलाई फालेर प्रधानमन्त्री बन्ने धुनमा लागेको उनको खुलासा थियो ।

उत्पीडित जनताको आवाजलाई बुलन्द गर्दै संगठन निर्माणका क्रममा गाउँ गाउँ टोल टोल पुगेका ने.क.पा.का नेता तथा कार्यकर्ता गिरफ्तार गर्ने झुटो मुद्दा लगाउने एबम जनतामा दमन र अातंक सृजना गर्ने प्रहरी प्रशासनका कर्मचारीहरुको हिसाब किताब आफ्नो पार्टीले राखेको दाबी गरे  ।

प्रचारप्रसारको अभावका बावजुत पनि ६ नम्बर बुधबारे बजारमा भएको जनसभा तथा सामना साँस्कृतिक कार्यक्रममा जनताको उपस्थिति राम्रो रहेको थियोे । सामना परिवारका सहसंयाेजक अाराेह नेपालीको सञ्चालनमा अघि बढेको कार्यक्रममा सामना परिवारले विभिन्न साँस्कृतिक प्रस्तुति मार्फत जनतालाई प्रशिक्षित पारेको थियोे ।


(२०७५ माघ २८, सोमबार) ०५:०१ मा प्रकाशित

°
Weather from OpenWeatherMap

मुख्य समाचार

सबै

ने.क.पा.को भूमिगत सांगठनिक संरचना

रामकृष्ण अधिकारी/अन्नपुर्ण पोस्ट।   नेत्रविक्रम चन्द ‘विप्लव’ नेतृत्वको ने.क.पा.को सञ्जाल भूमिगत शैलीमा चलेको छ। सरकारले प्रतिबन्ध लगाए पनि समूहले भूमिगत शैलीमा केन्द्रदेखि स्थानीय तहसम्म संरचना विस्तार.....

वार्ताको कोकोहोलो मच्चाएर सम्पर्कसुत्र गिरफ्तार गर्दै सरकार, सम्पर्कसुत्र माइला लामालाई ज्यान मुद्दा लगाउने तयारी

बिप्लव नेतृत्वको नेपाल कम्युनिष्ट पार्टीसंग सम्पर्क सुत्रमार्फत अनौपचारिक वार्ता गरिरहेको कोकोहोलो मच्चाइरहेको वर्तमान सरकारले तिनै सम्पर्कसुत्रको रुपमा काम गरिरहेका नेपाल.....

जनवादी कलाकार एबम ने.क.पा.का उपत्यका इन्चार्ज माइला लामा गिरफ्तार !

जनवादी कलाकार एबम बिप्लव नेतृत्वको नेपाल कम्युनिष्ट पार्टीका केन्द्रिय सदस्य तथा उपत्यका ब्युरो इन्चार्ज माइला लामालाई प्रहरीले शनिबार मध्ये राती भक्तपुरबाट गिरफ्तार प्रयास गरेको छ। .....

Exchange Rate

Nepali Patro