सरकारी कर्मचारी र जनप्रतिनिधिहरुको रक्सी पार्टीका कारण खाडा गाउँ ध्वस्त, प्रहरी हवल्दारमाथि कारवाही

संबाददाता : ओम हमाल     प्रकाशित मिति: (२०७५ पुष २१, शनिबार) ०७:४६

सरकारी कर्मचारी र जनप्रतिनिधिहरुकै नेतृत्वमा कालिकोटको खाडामा गत साता भएको रक्सी पार्टीका कारण आगलागी भएको प्रहरीको प्रारम्भिक अनुसन्धानमा देखिएको छ ।

रक्सी र मासु सहितको पार्टीबाट फालिएको चुरोटको ठुटोबाट फैलिएको आगोले उग्र रुप लिंदा खाडा गाउँ ध्वस्त भएको थियो । रक्सी र मासु सहितको पार्टी गर्ने कर्मचारी र जनप्रतिनिधि तथा आगलागी घटनासंग जोडिएका समुहको पहिचान भैसकेको  जिल्ला प्रहरी प्रमुख विनोद शर्माले जानाकारी दिएका छन् । डिएसपी शर्माले दोषीलाई केही दिनभित्र पक्राउ गरी सार्वजनिक गरिने बताएका छन् ।

गाउँपालिका उपाध्यक्ष दानादेवी न्यौपाने, वडाध्यक्ष मानबहादुर भण्डारीले गलत सूचना फैलाएको पुष्टि भैसकेको प्रहरीको भनाई छ । तर आगलागीको गलत बिबरण सहितको सूचना दिएको भन्दै इलाका प्रहरी चौकी थिर्पुमा कार्यरत प्रहरी हवलदार यज्ञबहादुर खड्कालाई निलम्वन गरिएको छ । जिल्ला प्रहरी कार्यालय प्रमुख डिएसपी शर्माले आगलागीको गलत बिबरण टिपाएको भन्दै प्रहरी हवलदार खड्कालाई निलम्बन गरेको बताए ।

पुस ८ गते राति करिब १ बजेर ४० मिनेटमा खाडामा आग्लागी भएको थियो । प्रहरीले २ बजेतिर जानकारी पायो । जानकारी पाउनासाथ थिर्पुबाट प्रहरी हवलदार खड्का सहितको प्रहरीको टोली घटना स्थल तिर गएको थियो ।

हवलदार खड्काको टोली बिहान साढे ६ बजेमात्र पुगेको थियो । जिल्लाको सुरक्षा निकायहरुको बिबरण पठाउने पहिलो व्यक्ति नै खड्का रहेको बुझिएको छ ।


(२०७५ पुष २१, शनिबार) ०७:४६ मा प्रकाशित

°
Weather from OpenWeatherMap

मुख्य समाचार

सबै

ने.क.पा.का नेता-कार्यकर्ता गिरफ्तारी जारी, पोलिटब्युरो सदस्य जिवान्तलाई सात दिन म्याद थप

सरकारले प्रतिबन्ध लगाए यता बिप्लव नेतृत्वको नेपाल कम्युनिष्ट पार्टीका नेता तथा कार्यकर्ता तीब्ररुपमा गिरफ्तार हुन थालेका छन् भने केही हिरासतमुक्त पनि भएका छन् । गिरफ्तारीकै क्रममा पोखराबाट एकजना मजदुर.....

एफएम रेडियो भित्रैबाट घेरा हाली पत्रकार बिक गिरफ्तार, बिरोधमा एफएम बन्दको घोषणा, गिरफ्तारीको सर्वत्र निन्दा

कालिकोटबाट प्रसारण हुने रेडियो कर्णालीका वरिष्ठ प्राविधिक तथा सम्वाददाता कर्ण विश्वकर्मालाई प्रहरीले स्टुडियोमै प्रवेश गरी पक्राउ गरेको छ। प्रहरीले कालिकोट सदरमुकाम मान्मास्थित.....

काभ्रेबाट ने.क.पा.का को को नेता पक्राउ परे ? (हेर्नुस नामावली )

बिप्लव नेतृत्वको नेपाल कम्युनिष्ट पार्टीका नेता-कार्यकार्ताहरु खोजी गर्न काभ्रे पुगेको प्रहरीटोलीले चारजना ने.क.पा.काकार्यकर्ताहरुलाई गिरफ्तार गरेको छ । प्रहरीको गिरफ्तारीमा.....

Exchange Rate

Nepali Patro