दमाहा ढुंगो रोएको देखेर विप्लवका नेता केन्द्रीय जनसरकार प्रमुख सन्तोष बूढामगर अचम्मित

संबाददाता : ओम हमाल     प्रकाशित मिति: (२०७५ पुष ३, मंगलवार) १३:०९

जनयुद्धका महान शहीदहरु बिजय बाँस्तोला र संकल्प पोखरेलले शाहत प्राप्त गरेको स्थल कास्की जिल्लाको पोखरा महानगरपालिका वडा नं. १६ साविक अर्मला गाविस वडा नं. ६ टाँडीबिसौनीस्थित अन्नपूर्ण मावि नजिक रहेको जंगलमा पुगेका विप्लव नेतृत्वको नेकपाका स्थायी कमिटी सदस्य एव. केन्द्रीय जनसरकार प्रमुख सन्तोष बूढामगर घटनास्थल नजिकै रहेको ठूलो ढुंगो रोएको देखेर अचम्मा परे ।
पार्टीको मध्य पश्चिम केन्द्रीय कमाण्ड ईञ्चार्ज समेत रहेका नेता बुढामगर पार्टीले पोखरामा आयोजना गरेको विभिन्न कार्यक्रमहरुमा सहभागी भएका थिए । त्यसै क्रममा उनी २०६१ साल असार १६ गते तात्कालीन शाही नेपाली सेनाले गिरफ्तार गरी हत्या गरेका महान शहीदहरु बिजय बाँस्तोला र संकल्प पोखरेलले शाहत प्राप्त गरेको स्थल अर्मलाको अन्नपूर्ण मावि नजिक रहेको जंगलमा पुगेका थिए । उनले स्थानीय बासिन्दा र शिक्षकहरुसँग त्यस घटनाका बारेमा जानकारी पनि लिएका थिए ।


घटनास्थलको निरीक्षणपछि फर्कने क्रममा नजिकै रहेको दमाहा ढुंगो बारेमा सुनेका नेता सन्तोष बूढामगर त्यस ढुंगाको बारेमा जानकारी लिन कौतुहल देखिए । फुलपाती अक्षता राखेर प्रार्थना गरेपछि त्यस ढुंगामा अर्को सानो ढुंगाले हिर्कायो भने त्यो ढुंगा रुन्छ र दमाहा जस्तै गरी दम दम गरी बज्छ भन्ने स्थानीय बासिन्दाहरुको विश्वास छ ।
फुलपाती र पूजाआजामा विश्वास नगर्ने भौतिकवादी कम्युनिष्ट पार्टीका नेता सन्तोष बूढामगरले पूजाआजा, फुलपाती नचढाई त्यस ढुंगामो एउटा सानो ढुंगो खोजेर हिर्काए । त्यतिबेला न त त्यो ढुंगो रोयो, न दम दम गरेर दमाहाको जस्तो आवाज नै आयो ।
त्यो दृश्य हेरिरहेका अन्नपूणै माविका विद्यार्थीहरु हाँसे । उनीहरु मध्ये एकले ”फूलपार्ती चढाएर पुजा नगर्ने हो भने ढुंगा त रुन्न ।“ भने । त्यसपछि तिनै विद्यार्थीहरुलाई बोलाएर ढुंगाको रहस्य बारे बताउन आग्रह भयो ।
उनी आए । पूजा गर्न उनले फुलपाती खोजे पाएनन् । फुल नभै नहुने उनको जिकिर थियो । तैपनि उनले पाती चढाएर प्रार्थना गरे र त्यस ठूलो ढुंगामा सानो ढुंगाले हिर्काए । त्यति बेला पनि न त त्यो ठूलो ढुंगा दम दम गरेर बज्यो, न आँसु झारेरै रोयो ।
त्यसपछि नेता सन्तोष बूढामगर आफैं त्यस ठुलो ढुंगाको भित्तामा सानो ढुंगाले हिर्काउन थाले । केही समय उनले यो क्रम जारी राखे । तर ढुंगा रुँदा पनि रोएन र दम दम गरेर बजेन पनि । उनले आफ्नो कार्यलाई जारी राखे ।
सानो ढुंगाले हान्ने क्रममा उनले त्यसभन्दा पहिला हानिएको दागहरु देखे र त्यहीं. ट्वाक ट्वाक गरेर सानो ढुंगाले हानिरहे । केही बेरपछि त ृउनी छक्क परे । ढुंगाले हानेकोभन्दा तल सानो ओढार परेको ठाउँमा पानीको थोपा देखियो । उनले अचम्म मान्दै भने, “ढुंगा त रुँदो रहेछ ।” त्यति मात्रले उनको चित्त बुझेन । उनले त्यो पानीको था्ेपालाई औंलोले चोपेर मुखमा राखेर चाटे पनि । “नूनिलो हुँदो रहेछ” भन्दै उनले थुके पनि । हिर्काउँदा रुने त्यस ढुंगाको बारेमा वैज्ञानिक कारण खोजिनुपर्ने उनको तर्क थियो । उनले शहीदहरुको शाहदतस्थलमा स्मारक बनाउने र दमाहा ढुंगाको महत्वलाई दर्शाएर त्यस स्थललाई पर्यटकीय गन्तव्यस्थल बनाउने सकिने धारण राखे ।
उनले घटनास्थलको नजिकै रहेको अन्नपूर्ण माविको आर्थिक एवं शैक्षिक अवस्था बारे जानकारी लिएका थिए ।


(२०७५ पुष ३, मंगलवार) १३:०९ मा प्रकाशित

°
Weather from OpenWeatherMap

मुख्य समाचार

सबै

नवसामन्त, नवधनाढ्य र हुकुमवासी : सुशीला कार्की

पशुपतिनाथ, जानकी मन्दिर, सुदूरपश्चिमको उग्र तारा, प्युठानको स्वर्गद्वारीलगायतका मन्दिर, मठ तथा बालुवाटारको सरकारी जग्गा कब्जा गरी हड्पिएका समाचार पत्रपत्रिकामा प्रकाशित छन्। रकम कलम मिलाई गैरकानुनी.....

तिर्थराज घिमिरेको हत्याविरुद्ध ने.क.पा.द्वारा संघर्षको घोषणा, हत्याको बदला जनताले उचित समयमा लिने बिप्लवको उद्घोष

सरकारले दोहोरो भिडन्तमा भोजपुरका तिर्थराज घिमिरेको मृत्यु भएको दाबी गरे पनि बिद्रोही नेपाल कम्युनिष्ट पार्टीले आफ्ना नेता घिमिरेलाई "नियन्त्रणमा लिएर हत्या गरेको" आरोप लगाएको छ.....

ने.क.पा. भोजपुरका जिल्ला सदस्य घिमिरेको गोली हानि हत्या, पार्टी केन्द्रीय सदस्य एबम भेरी ब्युरो इन्चार्ज शीतलसहित चार नेता गिरफ्तार

पार्टीलाई प्रतिबन्ध लगाएर ब्यापक दमनमा उत्रिएको सरकारद्वारा परिचालित प्रहरीले पहिलो पटक विप्लव नेतृत्वको नेपाल कम्युनिष्ट पार्टीका एक नेताको गोली हानि हत्या गरेको छ । भोजपुर र.....

Exchange Rate

Nepali Patro