बोक्सीको आरोपमा बालिकामाथि निर्घात कुटपिट (हेर्नुस भिडियो)

संबाददाता : ओम हमाल     प्रकाशित मिति: (२०७५ मंसिर २७, बिहीबार) ०३:५५

कैलालीमा राधा चौधरीमाथि बोक्सीको आरोपमा कुटपिट गरिएको घटना सेलाउन नपाउँदै बैतडीको डिलासैनी गाउँपालिकामा बोक्सीको आरोपमा एक बालिकामाथि मरणासन्न हुने गरी निर्घात कुटपिट भएको छ ।

बोक्सीको आरोपमा उनीमाथि कुटपिट गरिरहँदा भेला भएका स्थानीयमध्ये कसैले पनि रोकेनन् । डिलासैनी गाँउपालिका–६ बरमबजारको बीच सडकमा लगातार उनीमाथि कुटपिट भयो । भेला भएका स्थानीय मात्र रमिते बनिरहे । बालिका कुटाइ खाएर बेहोस भएपछि मात्र उनलाई छोडिएको थियो ।

सडक धेरै मानिस जम्मा भएका थिए । कुर्चीमाथि राखेर बालिकामाथि निर्धात कुटपिट भयो । झाँक्री भनिने सेतो वस्त्र लगाएकी अर्की एक महिलाले मुक्का , लात्ता र लछारपछार गर्दै उनलाई बोक्सीको आरोपमा निरन्तर कुटपिट गरिरहिन्।

चोट सहन नसकेर ती बालिका चिच्याइरहिन्, रोइरहिन् । ती बालिकाले सहयोगको याचना गरिरहिन् । तर, उनीमाथि कुटपिट भइरहँदा पनि रमिते बनेका स्थानीय भने चुपचाप थिए ।

सबैले नाटक हेरेजस्तै हेरिरहे, कसैले रोक्ने प्रयास गरेनन् । ती महिलाले निरन्तर कुटि रहँदा उनी बेहोस हुन्छिन् र सडकमै पछारिन्छिन् । उनी बेहोस भएर ढलेपछि उनकै उमेरका दुई जनाले बालिकालाई समाएर नजिकैको घरमा लगे, बल्ल उनीमाथिको बराबर याताना रोकियो l

जिल्लाका विकट गाउँहरुमा यस्ता घटना दोहोरिरहने र यस्ता दृश्य सामान्य भएको गाउँलेले बताए । उनीहरुका अनुसार यस्ता घटना गाउँमा देखिने सामान्य घटना हुन् ।

जिल्लामा बोक्सीका आरोपमा निर्मम कुटपिट हुँदासमेत जिल्ला प्रशासन कार्यालयलाई यसबारे कुनै जानकारी छैन । बैतडीका प्रमुख जिल्ला अधिकारी चन्द्र प्रसाद गैरेले यसबारे प्रशासनलाई कुनै जानकारी नभएको बताए । ‘डिलासैनीको घटनाबारे हामीलाई कुनै जानकारी छैन ।’ प्रमुख जिल्ला अधिकारी गैरेले भने, ‘कुनै पनि घटनामा हामीले तुरुन्तै एक्सन लिने गरेका छौं ।  तर यो घटनाबारे हामीलाई जानकारी छैन ।’

 


(२०७५ मंसिर २७, बिहीबार) ०३:५५ मा प्रकाशित

°
Weather from OpenWeatherMap

मुख्य समाचार

सबै

नवसामन्त, नवधनाढ्य र हुकुमवासी : सुशीला कार्की

पशुपतिनाथ, जानकी मन्दिर, सुदूरपश्चिमको उग्र तारा, प्युठानको स्वर्गद्वारीलगायतका मन्दिर, मठ तथा बालुवाटारको सरकारी जग्गा कब्जा गरी हड्पिएका समाचार पत्रपत्रिकामा प्रकाशित छन्। रकम कलम मिलाई गैरकानुनी.....

तिर्थराज घिमिरेको हत्याविरुद्ध ने.क.पा.द्वारा संघर्षको घोषणा, हत्याको बदला जनताले उचित समयमा लिने बिप्लवको उद्घोष

सरकारले दोहोरो भिडन्तमा भोजपुरका तिर्थराज घिमिरेको मृत्यु भएको दाबी गरे पनि बिद्रोही नेपाल कम्युनिष्ट पार्टीले आफ्ना नेता घिमिरेलाई "नियन्त्रणमा लिएर हत्या गरेको" आरोप लगाएको छ.....

ने.क.पा. भोजपुरका जिल्ला सदस्य घिमिरेको गोली हानि हत्या, पार्टी केन्द्रीय सदस्य एबम भेरी ब्युरो इन्चार्ज शीतलसहित चार नेता गिरफ्तार

पार्टीलाई प्रतिबन्ध लगाएर ब्यापक दमनमा उत्रिएको सरकारद्वारा परिचालित प्रहरीले पहिलो पटक विप्लव नेतृत्वको नेपाल कम्युनिष्ट पार्टीका एक नेताको गोली हानि हत्या गरेको छ । भोजपुर र.....

Exchange Rate

Nepali Patro