दलाल सरकारको प्रतिरोधमा उत्रन आम नेपाली जनतासंग नेकपा प्रवक्ता प्रकाण्डको आव्हान

संबाददाता : मोनिका गुरुङ     प्रकाशित मिति: (२०७५ मंसिर २४, सोमबार) २०:०३

नेपाल कम्युनिस्ट पार्टीका स्थायी समिति सदस्य एवम् प्रवक्ता खडकबहादुर विश्वकर्मा प्रकाण्डले दलाल सरकारको प्रतिरोधमा उत्रन आम नेपाली जनतासंग आव्हान गरेका छन्  । आफ्नो गृह जिल्ला कालिकोटको माल्कोटमा अायोजित विशाल जनसभामा सम्बोधन गर्दै प्रवक्ता प्रकाण्डले यस्तो आव्हान गरेका हुन् ।

नेकपा नेता प्रकाण्डले शहिदका सपना बेचेर खानेहरुका विरुद्ध एकपटक फेरि संघर्ष गर्नुपर्ने आवस्यकता औल्याउंदै त्यसका लागि तयारी अवस्थामा रहन सबैलाई अनुरोध गरे ।

उत्पीडित जनता र रास्ट्रको पक्षमा लड्दा आफुलाई बलिदानी समेत स्वीकार्य रहेको बताउंदै उनले  जनताको मुक्तिका लागि आफु र अाफ्नो पार्टी सधैं लडिरहने बताए ।

एक अर्को प्रशङ्गमा प्रकाण्डले दश बर्षे जनयुद्धमा सिङ्गो कर्णाली र कालिकोटका जनताले गरेको योगदानको स्मरण गर्दै उनले अघि भने, “जनयुद्धको नेतृत्व गर्नेहरूले धोका दिएर गलत सम्झौता गरेकाले जनयुद्धका सपना पुरा भएन ।”

प्रवक्ता प्रकाण्डले अहिलेको सरकार दलाल र भष्ट्रहरुको गठजोडमा बनेको आरोप लगाउंदै काङ्ग्रेसभन्दा पनि भष्ट्र बन्दै गएको अहिलेको कम्युनिस्ट सरकारबाट जनताले कुनै अपेक्षा नराखेको दाबी गरे ।

प्रवक्ता प्रकाण्डले कर्णालीको विकासमा राज्यको निरिहता र भष्ट्र चरित्रका कारण बिकास हुन नसकेको टिप्पणी गरे ।

नेपाल कम्युनिस्ट पार्टीका केन्द्रीय समिति सदस्य एवम् कर्णाली ब्युरो ईन्चार्ज एटमले सिहदरबारको भ्रस्टाचार  गाउँ गाउँमा पुगेर भ्रस्टाचार संस्थागत गरिएको उल्लेख गर्दै गाउँ गाउँमा सिहँदरबार नभई  भष्ट्र र काम चोर स्यालहरु अाएको आक्षेप लगाए  ।
नेकपा नेता एटमले प्रचण्ड बाबुरामको गद्दारीले १० बर्ष जनयुद्ध धोकाधडिमा टुङ्गिएको भन्दै हजारौं शहिद तथा वेपता परिवारका सपना पुरा गर्ने जिम्मेवारी अाफ्नो पार्टीको काधमा अाएको बताए ।


कार्यक्रममा नेपाल कम्युनिस्ट पार्टीका अर्का केन्द्रीय सदस्य अादर्शले गाउँ गाउँमा अाएका नयाँ दलाललाई गाउँबाट खेदेर गाउँमा नयाँ सता चलाउनु पर्ने बताए ।
उनले ओलि र प्रचण्ड सरकारले अाफ्ना नेताहरुलाई झुटा मुद्दा लगाएर दिएको दु:ख प्रति अाक्रोस प्रकट गर्दै जनयुद्धको अाधार ईलाकामा गएर जनतासँग माफि माग्न प्रचण्डलाई चेतावनी समेत दिए ।

कालिकोटको माल्कोटमा अायोजित जनसभामा माल्कोट,लालु लगायतका विभिन्न गाउँबाट जनताको सहभागिता रहेको थियोे । कार्यक्रमको अध्यक्षता कर्णाली ब्युरो सदस्य बल बहादुर बुढाले गरेका थिए भने सञ्चालन जिल्ला सेक्रेटरी रणदिपले गरेका थिए । कार्यक्रममा सामना सांस्कृतिक परिवारको केन्द्रीय टोलीले आफ्नो प्रस्तुति समेत देखाएको थियोे ।


(२०७५ मंसिर २४, सोमबार) २०:०३ मा प्रकाशित

°
Weather from OpenWeatherMap

मुख्य समाचार

सबै

ने.क.पा.का नेता-कार्यकर्ता गिरफ्तारी जारी, पोलिटब्युरो सदस्य जिवान्तलाई सात दिन म्याद थप

सरकारले प्रतिबन्ध लगाए यता बिप्लव नेतृत्वको नेपाल कम्युनिष्ट पार्टीका नेता तथा कार्यकर्ता तीब्ररुपमा गिरफ्तार हुन थालेका छन् भने केही हिरासतमुक्त पनि भएका छन् । गिरफ्तारीकै क्रममा पोखराबाट एकजना मजदुर.....

एफएम रेडियो भित्रैबाट घेरा हाली पत्रकार बिक गिरफ्तार, बिरोधमा एफएम बन्दको घोषणा, गिरफ्तारीको सर्वत्र निन्दा

कालिकोटबाट प्रसारण हुने रेडियो कर्णालीका वरिष्ठ प्राविधिक तथा सम्वाददाता कर्ण विश्वकर्मालाई प्रहरीले स्टुडियोमै प्रवेश गरी पक्राउ गरेको छ। प्रहरीले कालिकोट सदरमुकाम मान्मास्थित.....

काभ्रेबाट ने.क.पा.का को को नेता पक्राउ परे ? (हेर्नुस नामावली )

बिप्लव नेतृत्वको नेपाल कम्युनिष्ट पार्टीका नेता-कार्यकार्ताहरु खोजी गर्न काभ्रे पुगेको प्रहरीटोलीले चारजना ने.क.पा.काकार्यकर्ताहरुलाई गिरफ्तार गरेको छ । प्रहरीको गिरफ्तारीमा.....

Exchange Rate

Nepali Patro