‘दिल्ली चलो’ नारासहित भारतीय किसान आन्दोलित ,ऋण तिर्न नसकेर आत्महत्या गर्ने किसानको संख्या डरलाग्दो

संबाददाता : मोनिका गुरुङ     प्रकाशित मिति: (२०७५ मंसिर १५, शनिबार) १७:०३

भारतमा दशौं हजार किसानहरु आफ्नो उत्पादनको उचित मुल्य पाउनुपर्ने भन्दै आन्दोलित बनेका छन् ।

शुक्रबार मात्रै यहाँको संसद भवनतिर जाँदै दशौं हजार किसान तथा कृषि क्षेत्रका कामदारहरुले र्याली गरेका छन् । उत्पादनको माग गर्दै उनीहरुले गरेको र्यालीले सन् २०१९ मा हुने भनिएको आम निर्वाचनमा प्रधानमन्त्री नरेन्द्र मोदीलाई नै दबाव महसुश हुने बताइन्छ ।

‘हामीले खासगरी भूमिहिन तथा महिला र किसानका लागि कानुनी अधिकार मागेका हौँ,’ आन्दोलनको अगुवाइ गर्नेमध्ये एक अभियन्ता कविथा कुरुगान्थीले भनिन्, ‘जमिन र उत्पादनको नाफामा हाम्रा किसानहरुको अधिकार सुरक्षित गर्नु आवस्यक छ ।’

अभियन्ता समूहलाई हवाला दिँदै अन्तर्राष्ट्रिय मिडियाहरुले भने अनुसार ८० हजार भन्दा बढी किसान तथा कृषि कामदारहरु दिल्लीका लागि ‘मार्च पास’ मा सहभागी छन् ।

‘दिल्ली चलो’ नामको नाराका साथ उनीहरु दुइ दिन हिँडेरै नयाँ दिल्लीस्थित संसद भवनमा धर्ना दिन पुग्ने छन् । महाराष्ट्रबाट किसानहरुको नेतृत्व गर्ने अजित अवालेका अनुसार उनीहरुले ‘मुनाफा, उत्पादनको उचित मुल्य र संसद बैठकमा यसबारे विशेष बहस ।’ गरी मुख्यतः तीन माग उठाएका छन् ।

राहूल गान्धी, अरविन्द केजरिवाल लगायत प्रतिपक्षी दलका नेताहरूले अान्दाेलनकारी किसानहरूलार्इ सम्बाेधन गरिसकेका छन् । गान्धीले सम्बाेधनकाे क्रममा भनेका छन्, ‘उनीहरूले सरकारसँग उपहार मागिरहेका छैनन् । अाफ्नै अधिकार मागेका हुन् ।’ भारतमा पछिल्लो २० वर्षयता ऋण तिर्न नसकेर वा उत्पादनमा ह्रास आउँदा ३ लाख भन्दा बढी किसानहरुले आत्महत्या गरेका छन् । हरेक वर्ष लाखौं साना किसान ऋण र न्युन आम्दानीका कारण सताइँदै आएका छन् ।


(२०७५ मंसिर १५, शनिबार) १७:०३ मा प्रकाशित

°
Weather from OpenWeatherMap

मुख्य समाचार

सबै

भारतीय बालक अपहरण गरी फिरौती बुझ्ने फोरमका नेता पक्राउ

भारतीय बालकलाई अपहरण गरी नेपाल ल्याएर फिर्रौती लिन जाने संघिय समाजवादी फोरमका नेतालाई प्रहरीले पक्राउ गरेको छ। जिल्ला प्रहरी कार्यालय, झापाको हिरासतमा रहेका अभियुक्त झापा गौरिगञ्जका ४७ वर्षीय बद्री यादव.....

नेकपाको सेती महाकाली ब्युरोकाे संयुक्त बैठक सम्पन्न

नेपाल कम्युनिस्ट पार्टीको सेती महाकाली ब्युरोकाे संयुक्त बैठक यहि मंसिर २६ गते पार्टीका पाेलिट ब्युरो सदस्य कमरेड अाेम प्रकाश पुनको उपस्थितिमा सम्पन्न भएको छ । बैठकले मंसिर अाठकाे.....

दुई-तिहाइको कम्युनिष्ट सरकारको नक्कली रास्ट्रवादी मुखुण्डो उत्रिने अवस्था : कारण यस्तो छ

दुई-तिहाई बहुमत पाएको नेपालको वर्तमान कम्युनिष्ट सरकारको नक्कली रास्ट्रवादी मुखुण्डो उत्रिने अवस्था आएको छ । सन् १९५० मा नेपाल-भारत बीच भएको असमान सन्धि खारेज गर्ने कि नगर्ने भन्ने.....

Exchange Rate

Nepali Patro