वास्तविक नामका बारे बलिउड अभिनेत्री सन्नी लियोन फेरि विवादमा

संबाददाता : ओम हमाल     प्रकाशित मिति: (२०७५ श्रावण १६, बुधबार) १२:०७

मुम्बई : पूर्वपोर्नस्टार र हाल बलिउड अभिनेत्री सन्नी लियोन फेरि विवादमा तानिएकी छन् । यसपटक उनको वास्तविक नामलाई लिएर उनी विवादमा आएकी हुन् । सन्नीको बायोपिक फिल्म ‘करनजित कौर ः द अनटोल्ड स्टोरी’लाई लिएर उनी विवादमा तानिएकी हुन् ।

करनजित कौर सन्नी लियोनको वास्तविक नाम हो । यस फिल्ममा सन्नीको बाल्यकालदेखि पोर्न स्टार र बलिउड अभिनेत्री बन्दा सम्मको कथा समेटिएको छ । ५ जुलाईमा फिल्मको टे«लर रिलिज भएसँगै युट्युबदेखि ट्विटर, फेसबुकमा उनका समर्थक र विरोधीबीच टिप्पणीको वर्षा भइरहेको छ । फिल्मको नाम सन्नीको आफ्नै नाममा राखिएको भए पनि ‘कौर’ पञ्जाबी सिख समुदायसँग जोडिएको उपनाम हो । फिल्मको नाममा कौर आएसँगै परिवार र समुदायको नाम बदनाम गरेको आरोप सन्नीलाई लागिरहेको छ ।

शिरोमणि गुरुद्वारा प्रबन्धक समितिले फिल्मको नाममा आपत्ति जनाउँदै सन्नी लियोनले फिल्ममा कौर शब्दको प्रयोग किन गरिन् भन्ने प्रश्न गरेको छ । समितिका प्रवक्ता दलजित सिंह वेदीले एक अन्तर्वार्तामा भनेका छन्, ‘सन्नी सानोमा सिख भए पनि पछि धर्म परिवर्तनपछि इसाई भएकी हुन् । उनका श्रीमान् पनि इसाई हुन् । सिख धर्ममा सिंह र कौरजस्ता उपनामको महŒवपूर्ण स्थान छ । त्यसैले सन्नीले यो शब्दको प्रयोग नगरेको भए हुन्थ्यो ।’

फिल्मका निर्देशक आदित्य दत्तले भनेका छन्, ‘म सिख समुदायको भावनाको कदर गर्छु र आफैं एक सिख हुँ ।’ तर उनले चकित हुँदै भनेका छन्, ‘आजको एक्काइसौं शताब्दीमा समेत कसैले आफ्नो पारिवारिक नाम प्रयोग गर्दा विरोध भइरहेको छ ।’

सानोमा सन्नी पञ्जाबी समुदायसँग सम्बन्धित भए पनि हाल उनीसँग क्यानडा र अमेरिकाको दोहोरो नागरिकता छ । सन्नी लियोनको बायोपिक करनजित कौर ः द अनटोल्ड स्टोरीको पहिलो सिरिज जी फाइभमा रिलिज भइसकेको छ । यो फिल्ममा सिख परिवारमा जन्मिएकी करनजित कौर उर्फ सन्नी लियोन कसरी पोर्न इन्डस्ट्रीको सुपरस्टार बन्न पुगिन् भन्ने कथा छ । सन्नी लियोन आफ्नो बायोपिकमा आफंै काम गरिरहेकी छन् ।


(२०७५ श्रावण १६, बुधबार) १२:०७ मा प्रकाशित

°
Weather from OpenWeatherMap

मुख्य समाचार

सबै

सत्तारुढ नेकपा नेता भुसालको प्रश्न – यो दुई तिहाई कसको ? दलाल पूँजीवादको कि समाजवादको ?

नेपाल कम्युनिष्ट पार्टीका नेता घनश्याम भुषालले अहिलेकै नेकपाले समाजवाद ल्याउन नसक्ने दाबी गरेका छन्। पार्टी दलाल पूँजीवादलाई नियन्त्रण गर्ने गरी अघि नबढेको भन्दै उनले नेकपा समाजवाद स्थापनाको दिशामा अघि.....

सरकारद्वारा ने.क,पा.बिरुद्ध दमनको संकेत, महासचिव बिप्लवका दाजुभाईका घरमा पक्राउ पुर्जी टाँस

ने.क.पा.ले देशैभर सङ्गठन सुदृढीकरण तथा विस्तार अभियान २ संचालन शुरु गरेको अवस्थामा पार्टी महाचिव विप्लव र उनका दाजु पार्टी पोलिटब्युरो सदस्य एबम लुम्बिनी व्यूरो ईन्चार्ज चन्द्र बहादुर.....

ने.क.पा.को नाममा सेना परिचालन गरेर नेपालमा राजतन्त्र पुनर्स्थापित गर्ने षड्यन्त्र भैरहेको छ : सन्तोष बुढा मगर

नेपाल कम्युनिष्ट पार्टीका स्थायी कमिटि सदस्य एबम केन्द्रीय जनसरकार प्रमुख सन्तोष बुढा मगरले नेपालमा विप्लव नेतृत्वको ने.क.पा.लाई उत्तेजित बनाउने र त्यही बहानामा सेना परिचालन गरेर.....

Exchange Rate

Nepali Patro