सराङकोट बहुउद्देश्यीय सहकारीको बहुउद्देश्यीय भवन शिलान्यास

संबाददाता : ओम हमाल     प्रकाशित मिति: (२०७५ श्रावण १५, मंगलवार) ०४:४१

सराङकोट बहुउद्देश्यीय सहकारी संस्थाले बहुउद्देश्यीय कार्यको लागि निर्माण गर्न लागेको भवनको शिलान्यास गरिएको छ । निर्माण हुन् लागेको बहुउद्देश्यिता भवनको सहकारी प्रशिक्षण तथा डिभिजन कार्यालयका पूर्व प्राचार्य, उपसचिव बद्रीनाथ अधिकारीले सोमबार शिलान्यास गरे ।

सो अवसरमा सहकारी प्रशिक्षण तथा डिभिजन कार्यालयका पूर्व प्राचार्य, उपसचिव बद्रीनाथ अधिकारीले सहकारीको विकासमा सदस्यहरुको एकतासँगै सामाजिक उत्तरदायित्वमा ध्यान दिनुपर्ने बताए । सहकारी ऐन नियमलाई आम सहकारीले पूर्ण कार्यान्ववयन गर्न सके सहकारीमा समस्या नआउने बताए ।
पोखरा महानगरपालिकाको वडा नं. ९ का वडा अध्यक्ष रामराज लामिछानेले सहकारीले आर्थिक सामाजिक विकासमा खेलेको भूमिका महत्वपूर्ण रहेको बताए । भवन निर्माण समितिका संयोजक अर्जुन बहादुर बस्नेतले निर्माण सम्पन्न पश्चात आम समुदायमुखी कार्यक्रम गर्न सहज हुने बताए ।

संस्थाका अध्यक्ष प्रेम बहादुर जिसीको अध्यक्षतामा भएको कार्यक्रममा राष्ट्रिय सहकारी बैंकका प्रबन्धक केदार उप्रेती, शिक्षाविद् दामोदर पराजुली, संगम मार्ग विकास समितिका अध्यक्ष ढाकामोहन लामिछाने, संगममार्ग महिला समितिका अध्यक्ष लक्ष्मी बास्तोला, उपाध्यक्ष बसन्त बहादुर बानिया, रेडियो सराङ्कोटका समाचार प्रमुख कमल पौडेल, पण्डित सोमनाथ सुवेदी, जाल्पादेवी बहुउद्देश्यीय विकास समितिका अध्यक्ष गणेश बहादुर अधिकारी, जाल्पादेवी महिला उद्दार समितिका उपाध्यक्ष राधिका थापा लगायतले आ–आफ्नो धारणा राखेका थिए ।

करीब एक करोड लागतमा आगामी माघ मसान्तभित्र सम्पन्न गर्ने योजना रहेको सो बहुउद्देश्यीय सहकारीको भवनमा व्यवसायिक प्रयोजन, कार्यालय संचालन र बहुउद्देश्यीय प्रयोजनका कार्य हुने समितिका सदस्य रामचन्द्र थापाले जानकारी दिए ।

सराङकोट बहुउद्देश्यीय सहकारीको ४ करोड ३० लाख शेयरपुँजी रहेकोना  संस्थाले २४ करोड ऋण लगानी गरेको छ । स्थापनासँगै संस्थाले सामाजिक उत्तरदायित्वमूलक कार्यहरु गर्दै आएको सहकारीले गएको वर्ष राष्ट्रिय सहकारी बैंकबाट उत्कृष्ट सहकारी सम्मान र सहकारी डिभिजन कार्यालयबाट उत्कृष्ट सचिव सम्मान पाएको थियो ।

सराङकोट बहुउद्देश्यीय सहकारीका सचिव कृष्ण थापाका  अनुसार, सो सहकारीले ८ वर्ष देखि रेडियो सराङकोट संचालन गर्दै आर्को छ भने  विगत ६ वर्षदेखि बचत तथा ऋणको कारोवार मार्फत सदस्यहरुलाई सेवा प्रदान गर्दै आएको छ ।

संस्थाले ३ वर्ष न्यूरोड संगम मार्गमा घर सहितको जग्गा खरिद गरी रेडियो संचालनमा रहँदै आएकोमा पूर्ण रुपमा सम्पूर्ण कार्य संचालनका लागि थप भवन निर्माण गरिन लागिएको अध्यक्ष प्रेम बहादुर जिसीले बताए ।

 


(२०७५ श्रावण १५, मंगलवार) ०४:४१ मा प्रकाशित

°
Weather from OpenWeatherMap

मुख्य समाचार

सबै

ने.क.पा.को भूमिगत सांगठनिक संरचना

रामकृष्ण अधिकारी/अन्नपुर्ण पोस्ट।   नेत्रविक्रम चन्द ‘विप्लव’ नेतृत्वको ने.क.पा.को सञ्जाल भूमिगत शैलीमा चलेको छ। सरकारले प्रतिबन्ध लगाए पनि समूहले भूमिगत शैलीमा केन्द्रदेखि स्थानीय तहसम्म संरचना विस्तार.....

वार्ताको कोकोहोलो मच्चाएर सम्पर्कसुत्र गिरफ्तार गर्दै सरकार, सम्पर्कसुत्र माइला लामालाई ज्यान मुद्दा लगाउने तयारी

बिप्लव नेतृत्वको नेपाल कम्युनिष्ट पार्टीसंग सम्पर्क सुत्रमार्फत अनौपचारिक वार्ता गरिरहेको कोकोहोलो मच्चाइरहेको वर्तमान सरकारले तिनै सम्पर्कसुत्रको रुपमा काम गरिरहेका नेपाल.....

जनवादी कलाकार एबम ने.क.पा.का उपत्यका इन्चार्ज माइला लामा गिरफ्तार !

जनवादी कलाकार एबम बिप्लव नेतृत्वको नेपाल कम्युनिष्ट पार्टीका केन्द्रिय सदस्य तथा उपत्यका ब्युरो इन्चार्ज माइला लामालाई प्रहरीले शनिबार मध्ये राती भक्तपुरबाट गिरफ्तार प्रयास गरेको छ। .....

Exchange Rate

Nepali Patro