किन खल्लो हुँदैछ दम्पतीको यौन जीवन ?

संबाददाता : रमाकान्त बास्तोला     प्रकाशित मिति: (२०७४ चैत्र १, बिहीबार) ११:५७

यौन सम्बन्धको चर्चा गर्दा हामी लाजले खुम्चन्छौं । यौनलाई छाडा वा लाजमर्दो कुराको रुपमा हामीले बुझेका छौं । जबकी यो जीवन पद्धतीकै महत्वपूर्ण हिस्सा हो । यो प्राकृतिक र स्वभाविक प्रक्रिया हो ।

यौन मनोरञ्जन मात्र होइन । यौनले सृष्टिलाई चलायमान राख्छ । यौनले दाम्पत्य जीवनलाई पूर्णता दिन्छ । यौनले पति-पत्नीलाई थप निकट राख्छ । यौनले दम्पतीको आपसी सम्बन्ध सुमधुर राख्छ । यौन जीवनलाई कसरी सुखमय बनाउने ? यस सम्बन्धमा धेरै खोज भएका छन् । पुस्तकहरु लेखिएका छन् । यस्ता पुस्तक प्रचिन समाजमा पनि प्रचलित थियो ।

 

छाडा कुरा होइन

कामसूत्र यस्तो ग्रन्थ हो, जो हजारौं बर्षदेखि मानिसहरुलाई प्रेम-सम्बन्ध र अन्तरंग पलको लागि आवश्यक मार्गदर्शन दिदै आएको छ । यसमा यौन सम्बन्धी जानकारी दिइएको छ, जसले यौन जीवनलाई थप रोमान्चक र उत्कृष्ट बनाउन सहयोग गर्छ । हिन्दु दार्शनिक वात्सायनले ४०० देखि २०० इश्वीमा कामसूत्र लेखेका थिए । यसमा यौन सम्बन्धी खुलेर लेखिएको छ ।

तर, दुखलाग्दो चाहि के भने अहिलेको सताब्दीसम्म आइपुग्दा पनि हामीले यौनलाई छाडा वा विकृत रुपमै हेरिरहेका छौं । त्यही कारण यौन सम्बन्धको बारेमा चर्चा गर्नु वा यौन जीवनका विभिन्न आयम खोज्नुलाई हामी अपराध ठान्छौं । हिनतावोध गर्छौ ।

यौन आफैमा छाडा होइन । यौन आफैमा लाज लाग्ने कुरा पनि होइन । तर, प्राचिन शास्त्रले यौनजन्य कुरालाई नितान्त व्यक्तिगत कुरा मानेको छ । साथै यस्ता कुराहरुमा गोपनियता अपनाउनुपर्ने सुझाएको छ । गोपनियता अपनाउनुपर्छ भन्दैमा यसबारे कुरा नगर्ने भन्ने चाहि होइन ।

जब यौनलाई भित्र-भित्रै गुम्साएर राखिन्छ, त्यो कुण्ठाले यौनजन्य विकृति पैदा गर्छ । त्यसैले यौनका सम्बन्धमा स्पष्ट हुनुपर्छ । खुला वहस हुनुपर्छ ।

दाम्पत्य जीवनमा खटपट

अहिले धेरै दम्पतीबीच खटपट ल्याउने निहुँ नै यौन हो । भनिन्छ, नेपाली दम्पतीको खटपट सिरकमुनीबाट सुरु हुन्छ । यसले दम्पतीबीचको यौन असन्तुष्टिलाई संकेत गर्छ । यौन असन्तुष्टिकै कारण बिवाहेत्तर सम्बन्ध स्थापित हुने संभावना रहन्छ । परस्त्री वा परपुरुषसँगको सम्पर्क बढ्नुमा पनि दम्पतीबीचको यौन-असन्तुष्टि नै मूल कारण हो ।

यौनका विषयमा भिन्न भ्रमहरु व्यस्त छन् । यसलाई हाम्रो समाजले भित्र-भित्रै गुम्साएको छ । आफ्नो यौन समस्यालाई मानिसहरुले खुलेर चर्चा गर्न सक्दैनन् । लुकीछिपी यौनजन्य जिज्ञासा मेटाउने गरिन्छ । नेपाली समाजमा यौनजन्य विकार र विकृतिको रुप भयावह छ ।

यौन मनोविद करुणा कुँवरका अनुसार अधिकांश नेपाली दम्पतीको यौनजीवन सुखमय छैन । उनी के पनि भन्छिन् भने, ‘अधिकांश नेपालीलाई यौन सम्पर्क गर्ने उचित विधी नै थाहा छैन ।’

यौन असन्तुष्टिको कारण

हुन त यौन सम्बन्ध के हो ? कसरी राख्ने ? यौन सम्बन्धलाई कसरी बढी रोमान्टिक बनाउन सकिन्छ भन्ने विषयमा पुस्तकहरु लेखिएका छन् । धार्मिक शास्त्रहरुले समेत यसलाई समूचित ढंगले व्याख्या गरेको छ । विभिन्न पर्व, उत्सवहरुले सांकेतिक रुपमा यौनको महत्व, समय र विधीलाई दर्शाउने गरेको छ । तर, हामीले त्यसतर्फ खास ध्यान दिएका छैनौं ।

यौनका विषयलाई लिएर मानिसहरुमा अनेक-अनेक समस्या छ । यौन असन्तुष्टि, सिघ्र स्खलन, यौनाङ्गको आकार आदिलाई लिएर मानिसहरु चिन्तित छन् । यीनै कारणले आफ्नो यौन जीवन रसपूर्ण नभएको उनीहरुको निष्कर्ष छ । त्यही कारण यौनवर्द्धक औषधी एवं उपचार पद्धतीको बजार बढिरहेको छ । जबकी यौन असन्तुष्टि र सन्तुष्टिमा वाह्य भन्दा आन्तरिक कारण बढी जिम्मेवार हुन्छ ।

शारीरिक क्रिया, मानसिक उपस्थिती

निश्चय नै यौन, शारीरिक क्रिया हो । तर, यसमा मानसिक उपस्थिती सबैभन्दा बढी महत्वपूर्ण हुन्छ । मानसिक लगाव विना यौन क्रिया रसपूर्ण हुँदैन । जब दुई पार्टनरवीच यौन सम्बन्ध हुन्छ, उनीहरुले मानसिक उपस्थिती पनि उत्तिकै जनाउनुपर्ने हुन्छ ।

यौन सम्वन्धलाई सुमधुर, सुखमय र रसपूर्ण बनाउनका लागि विभिन्न विधीहरुको सदियौंदेखि अभ्यास हुँदै आएको छ । यौन सम्पर्कको विधीलाई मूलत तीन चरणमा राखिएको छ । यौन सम्पर्क गर्नु अघि, सम्पर्कको बेला र सम्पर्कपछि के गर्ने भन्ने कुरा विधिगत् रुपमै सिकाइएको छ ।

यौन सम्पर्कका लागि सर्वप्रथम त दुबै पार्टनर मानसिक रुपले तयार हुनुपर्ने वताइन्छ । मानसिक तनाव, धपेडी, थकान, हतार आदिमा यौन सम्वन्ध सुमधुर हुँदैन । साथै यौनसम्बन्धका लागि स्थान, पार्टनरको हाउभाउ सबै कुराले भूमिका खेल्छ ।

यौन क्रिया एवं विधि

यौन सम्बन्धको पूर्व तयारीको रुपमा प्राकक्रिडाको अभ्यास हुँदै आएको छ । यसले यौन सम्वन्धलाई उत्कर्षमा पुग्न सहयोग गर्छ । प्राकक्रिडा भनेको यौन सम्बन्ध राख्नुअघि गरिने त्यही क्रियाकलाप हो, जसले दुवै पार्टनरको यौन रुची र उत्तेजना बढाइदिन्छ ।

यौन सम्बन्धलाई रोमान्टिक बनाउन विभिन्न आसनहरुको अभ्यास हुँदै आएको छ । एउटै आसनमा त्यती सन्तुष्ट नहुने भएकाले यौन सम्बन्धका लागि विभिन्न आसन अपनाउन सकिन्छ ।

यौन सम्पर्कपछि पनि पार्टनरको अन्तरंग सम्बन्ध कायम रहनुपर्छ ।

पछिल्ला अध्ययनहरुले के भन्छ भने, सक्रिय यौन जीवनले दाम्पत्य सम्बन्धलाई दिगो र सुमधुर बनाउँछ । त्यतीमात्र होइन, यसले दम्पतीको मानसिक तथा शारीरिक स्वास्थ्यमा पनि सकारात्मक प्रभाव पार्छ । मानसिक विकार हट्छ । नियमित यौन सम्बन्धले मुटुलाई स्वस्थ्य राख्ने बताइएको छ ।

तर, जथाभावी वा बर्बर ढंगले गरिने यौन सम्बन्धले सुख होइन, कष्ट दिन्छ । यस्ता यौन सम्बन्धले दाम्पत्य जीवनलाई थप पीडादायी बनाउँछ । त्यसैले यौन सम्बन्ध पनि आफैमा अनुशासित र मर्यादित हुनुपर्छ ।


(२०७४ चैत्र १, बिहीबार) ११:५७ मा प्रकाशित

°
Weather from OpenWeatherMap

मुख्य समाचार

सबै

तिर्थराज घिमिरेको हत्याविरुद्ध ने.क.पा.द्वारा संघर्षको घोषणा, हत्याको बदला जनताले उचित समयमा लिने बिप्लवको उद्घोष

सरकारले दोहोरो भिडन्तमा भोजपुरका तिर्थराज घिमिरेको मृत्यु भएको दाबी गरे पनि बिद्रोही नेपाल कम्युनिष्ट पार्टीले आफ्ना नेता घिमिरेलाई "नियन्त्रणमा लिएर हत्या गरेको" आरोप लगाएको छ । हत्याको दुईदिनपछि नेपाल.....

ने.क.पा. भोजपुरका जिल्ला सदस्य घिमिरेको गोली हानि हत्या, पार्टी केन्द्रीय सदस्य एबम भेरी ब्युरो इन्चार्ज शीतलसहित चार नेता गिरफ्तार

पार्टीलाई प्रतिबन्ध लगाएर ब्यापक दमनमा उत्रिएको सरकारद्वारा परिचालित प्रहरीले पहिलो पटक विप्लव नेतृत्वको नेपाल कम्युनिष्ट पार्टीका एक नेताको गोली हानि हत्या गरेको छ । भोजपुर र.....

मिडिया काउन्सिल विधेयकविरुद्ध मुख खोल्यो बिद्रोही ने.क.पा.ले, बिधेयक बिरुद्ध आन्दोलनमा उत्रिन बिप्लवको आव्हान (विज्ञप्तिसहित)

संसदीय ब्यबस्था मान्ने विभिन्न राजनीतिक पार्टी, त्यसमा पनि सत्तारुढ नेकपाका नेता तथा कार्यकर्ताले ब्यापक बिरोध गरेको मिडिया काउन्सिल विधेयकविरुद्ध बिद्रोही नेपाल कम्युनिष्ट पार्टीले.....

Exchange Rate

Nepali Patro