विद्यार्थीले निकाले रुखबाट बिजुली

संबाददाता : ओम हमाल     प्रकाशित मिति: (२०७४ फाल्गुन १०, बिहीबार) ०१:०९

रुकुम (पश्चिम) मा विद्यार्थीहरुले रुखबाट विद्युत निकालेका छन् । मुसीकोट नगरपालिका ५ शेरिगाउँमा रहेका मोर्डन रिसर्च कन्ट्रक्टसन एण्ड कन्सलटेन्सी प्रालिमा लेबल टु इलेक्ट्रिकल सव ओभरसियर पढिरहेका १० जना विद्यार्थीहरुले गुनामौरा नामक रुख र उक्त रुखमा रहेको लहराबाट विद्युत निकालेका हुन् ।

रुख र लहराबाट १९ भोल्टको बिद्युत निकालिएको बिद्यार्थी जयवहादुर नाथले बताए । अघिल्लो वर्ष स्याउँ र आलुबाट विद्युत निकालिएकामा यो वर्ष रुखबाट विद्युत निकालिएको हो । उनका अनुसार, तामा र फलामको प्रयोग गरी विद्युत निकालियो ।

 

फलफुलबाट विद्युत निकाल्न सकिन्छ भन्ने सुनेका यस प्रालिमा अध्यनरत अघिल्लो व्याजका विद्यार्थीहरुले तामा र फलामकै प्रयोग गरेर अघिल्लो वर्ष आलु र स्याउँबाट विद्युत निकालेका थिए । तर, रुखबाट विद्युत निकाल्न सकिने कुरा कतैपनि नसुनेका विद्यार्थीले परिक्षण गर्दै जादा विद्युत निकाल्न सफल भएका हुन् ।

रुखबाट फलेको फलबाट विद्युत निकाल्न सकिन्छ भने रुखबाट निकाल्न सकिन्छ कि नाई भनेर परिक्षण गर्दै जादा विद्युत निकाल्न सफल भएको प्रालिका कार्यकारी निर्देशक भुवन नाथ जलनले बताए । ‘हामीले जंगलमा गएर धेरै रुखमा परिक्षण ग¥यौं, उनले भन, विभिन्न १० ओटा भन्दा बढी रुखबाट बिद्युत निकाल्न सकिएन, तर अन्तिममा गुनामौराको रुख र उक्त रुखमा बेरिएको लहराबाट विद्युत उत्पादन भयो ।’

रुख र लहराबाट निकालिएको विद्युतलाई सँगै जोड्दा १९ भोल्टको बिद्युत निस्किएको थियाे । रुख र लहराको भित्रि भागबाट धनात्मक र बाहिरी भागबाट ऋणात्मक करेन्ट निस्कियाे । 

रुख र लहराबाट छुट्टा छुट्टै विद्युत उत्पादन गरिएको हो । तर, पछि रुख र लहराबाट निकालिएको विद्युतलाई सँगै जोड्दा १९ भोल्टको बिद्युत निस्किएको नाथले बताए । रुख र लहराको भित्रि भागबाट धनात्मक र बाहिरी भागबाट ऋणात्मक करेन्ट निस्किएको थियो ।

सामान्य खर्चमै रुख र लहराबाट विद्युत निकालिएको बताईएको छ । उनिहरुले मुसीकोट नगरपालिकाको खारादह भन्ने ठाउँमा रहेको जंगलमा गएर विद्युत निकाल्दै रुखबाटपनि विद्युत निकाल्न सकिन्छ भन्ने पुष्टि गरेका छन् ।

उर्जा संकट कम गर्ने उपाय

विद्युतका लागि जल र सौर्यमा भर पुर्न परिरहेको अवस्थामा यस्ता सम्भाव्यता खोज्न सकेमा उर्जा संकटलाई कम गर्न सकिने विद्यार्थीहरुको भनाई छ ।

राज्यले यसतर्फ ध्यान दिन सकेमा जलविद्युत र सौर्य उर्जामा मात्र भर पर्ने अवस्थाको अन्त्य हुन सक्ने विद्यार्थीहरुले बताए । आफुहरुले आफ्नै सोँचमा खोज गरेर रुखबाट विद्युत निकाल्न सफल भएकाेमा अब राज्यले नयाँ खोज गर्नेहरुलाई विशेष प्रोत्साहन दिन सक्नुपर्नेमा उनीहरुले जोड दिए ।

नयाँ–नयाँ खोज गर्छौ

अघिल्लो वर्ष नयाँ खोज गरेर फलफुलबाट विद्युत निकालेकामा यो वर्ष त्यो भन्दा अझै नयाँ खोज गरिएको प्रालिका कार्यकारी निर्देशक नाथले बताए ।

अब अर्को वर्ष झनै नयाँ खोज गरेर नयाँ उत्पादन गर्ने उनको भनाई छ । ‘केही नयाँ गर्न सकिन्छ भन्ने सोँचका साथ अगाडि बढिरहेको र सम्भव भएसम्म नयाँ नयाँ उत्पादन गर्दै जान्छौं, उनले भने, हाम्रो रिसर्च रोकिदैन अर्को वर्ष नयाँ उत्पादन गर्छौं ।’


(२०७४ फाल्गुन १०, बिहीबार) ०१:०९ मा प्रकाशित

°
Weather from OpenWeatherMap

मुख्य समाचार

सबै

नवसामन्त, नवधनाढ्य र हुकुमवासी : सुशीला कार्की

पशुपतिनाथ, जानकी मन्दिर, सुदूरपश्चिमको उग्र तारा, प्युठानको स्वर्गद्वारीलगायतका मन्दिर, मठ तथा बालुवाटारको सरकारी जग्गा कब्जा गरी हड्पिएका समाचार पत्रपत्रिकामा प्रकाशित छन्। रकम कलम मिलाई गैरकानुनी.....

तिर्थराज घिमिरेको हत्याविरुद्ध ने.क.पा.द्वारा संघर्षको घोषणा, हत्याको बदला जनताले उचित समयमा लिने बिप्लवको उद्घोष

सरकारले दोहोरो भिडन्तमा भोजपुरका तिर्थराज घिमिरेको मृत्यु भएको दाबी गरे पनि बिद्रोही नेपाल कम्युनिष्ट पार्टीले आफ्ना नेता घिमिरेलाई "नियन्त्रणमा लिएर हत्या गरेको" आरोप लगाएको छ.....

ने.क.पा. भोजपुरका जिल्ला सदस्य घिमिरेको गोली हानि हत्या, पार्टी केन्द्रीय सदस्य एबम भेरी ब्युरो इन्चार्ज शीतलसहित चार नेता गिरफ्तार

पार्टीलाई प्रतिबन्ध लगाएर ब्यापक दमनमा उत्रिएको सरकारद्वारा परिचालित प्रहरीले पहिलो पटक विप्लव नेतृत्वको नेपाल कम्युनिष्ट पार्टीका एक नेताको गोली हानि हत्या गरेको छ । भोजपुर र.....

Exchange Rate

Nepali Patro