मेयर रेणु दाहालको निर्देशनमा नयाँ शक्तिका दलित नेतामाथि डोजर ! (हेर्नुहोस् भिडियो)

संबाददाता : ओम हमाल     प्रकाशित मिति: (२०७४ पुष २१, शुक्रबार) २३:०९

सडक विस्तारको क्रममा भरतपुर महानगरपालिकामा नयाँ शक्तिका नेतालाई डोजरले पेलेको छ । विना जानकारी आफ्नो जग्गामा डोजरले हान्न थालेपछि विरोधमा उत्रेका नयाँ शक्तिका नेता तुलाराम विश्वकर्मामाथि डोजर आक्रमण भएको हो ।

चितवन क्षेत्र नम्बर ३ प्रदेशसभा (ख) बाट उम्मेदवार बनेका नेता विश्वकर्मामाथि भरतपुर महानगरपालिका २१ कालिकाचोकमा सडक निर्माण कम्पनीले डोजरले आक्रमण गरेको बताइएको छ । नेता विश्वकर्मा घाइते भएका छन् ।

आफ्नो जग्गामा डोजरले हान्न थालेपछि बुझ्न भनेर नजिक गएको अवस्थामा नेता विश्वकर्मामाथि डोजर लगाइएको प्रत्यक्षदर्शीले बताएका छन् । स्थानीयले नेता विश्वकर्मालाई बचाएका थिए ।

“हामीलाई जानकारी नदिइ जग्गामा डोजर लगाउन थालियो । मैले बुझ्नका लागि डोजर भएतिर जाँदा मलाई उचाल्ने र पछार्दै पेल्न खोजियो” घाइते विश्वकर्माले भने । उनले प्रहरीले समेत आफ्नो कुरा नसुनेको गुनासो गरे ।

नेता विश्वकर्मालाई डोजर लगाउँदै गर्दा उनकी श्रीमती भने ठूलो स्वरले गराउँदै गरेको भिडियो सार्वजनिक भएको छ । उक्त भिडियोमा डोजरले नेता विश्वकर्माले लछारपछार गरेको समेत भिडियोमा देखिएको छ ।

बारम्बार डोजरले उनलाई हान्दा अन्य व्यक्तिले बचाउन तानेको पनि भिडियोमा देखिन्छ । रोयल बिल्डर्स कम्पनिको डोजरले आफूमाथि आक्रमण गरिएको तुलारामले बताएका छन् ।

नयाँ शक्ति चितवनले मेयर रेणु दाहालको निर्देशनमा नेता विश्वकर्मामाथि डोजर लगाइएको बताएका छन् ।

हेर्नुस भिडियो


(२०७४ पुष २१, शुक्रबार) २३:०९ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना