नेदरल्याण्ड्ससँग नेपाल ७ विकेटले पराजित

संबाददाता : ओम हमाल     प्रकाशित मिति: (२०७३ श्रावण २९, शनिबार) १७:५२

विश्व क्रिकेट लिग च्याम्पियनसिपमा नेदरल्याण्ड्सविरुद्ध कमजोर प्रदर्शन गरेको नेपालले ७ विकेटको हार व्यहोरेको छ । टस हारेर पहिले ब्याटिङको निम्तो पाएको नेपालले निकै खराब प्रदर्शन गर्‍यो र ९४ रनमै अलआउट भयो ।

९५ रनको सनमान्य लक्ष्य डच टोलीले मात्र १६.५ ओभरमा ३ विकेट गुमाएर भेट्टाएको छ । स्टफेन माइबर्गले सन्दिप लामिछानेको बलमा चौका हान्दै टोलीलाई जित दिलाएका थिए ।

उनले ३३ रनमा अविजित रहे । घरेलु टोलीका लागि वेस्ली बारेसीले सर्वाधिक ३७ रन बनाए । नेपालका लागि करण केसी, सागर पुन र बसन्त रेग्मीले एक एक विकेट लिएका थिए ।

यसअघि पहिले ब्याटिङ गरेको नेपालले राम्रो सुरुवात गर्न सकेन । २३ रन जोड्दा पहिलो विकेटका रुपमा उपकप्तान ज्ञानेन्द्र मल्ल ११ रनमा आउट भएका थिए ।

त्यसपछि नेपालले लगातार विकेट गुमायो । र, ३८.१ ओभरमा सबै विकेट गुमाएर मात्र ९४ रन बनाउन सक्यो ।

नेपालका चार ब्याट्सम्यानले मात्र दोहोरो अंक जोड्न सके । अनिल मण्डलले २०, शरद भेषावकरले १४, सोमपाल कामीले १२ र ज्ञानेन्द्र मल्लले ११ रन बनाए ।

कप्तान पारस खड्का पहिलो बलमै नै आउट भए । सागर पुन ७, राजु रिजाल ३, विनोद भण्डारी ९, सन्दिप लामिछाने १ रनमा पभेलियन फर्किएका छन् । करण केसी शून्यमै आउट भए । बसन्त रेग्मी ७ रनमा अविजित रहे ।

नेपाल र नेदरल्याण्ड्सको अर्को खेल पर्सी हुनेछ ।

 


(२०७३ श्रावण २९, शनिबार) १७:५२ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना