ब्याईफ्रेन्ड भनेको बोका बोका,राँगा रागाँ टाइपको फिल हुन्छ -ज्योति मगर

संबाददाता : ओम हमाल     प्रकाशित मिति: (२०७४ आश्विन ११, बुधबार) ०८:२८

ज्योतिजी, आजकल केमा ब्यस्त हुनुहुन्छ ?
गीत सँगीतमै ब्यस्त छु भन्नुपर्‍यो । विभिन्न कार्यक्रमहरुमा सहभागी हुने र अब नयाँ एल्बमको तयारीमा रहेको छु ।

स्वदेश विदेश गरिरहनुहुन्छ पैसा त निकै कमाउनुहुन्छ होला ?

अँ ठीकै छ भनौ । नढाँटी भन्नुपर्दा कमाई भएपनि खर्च पनि राम्रै भएका कारण बचाउन सकिएको छैन ।
यसपालिको तीजमा त यसअघिका तीज गीतभन्दा पुरानो शैलीको गीत प्रस्तुत गर्नुभयो ?

अलिकति परिवर्तन गर्न खोज्नुभएको हो ?

यो गीत चाहिँ पुरानो तीज गीतलाई मान्यता दिएको हो र तीज महिलाको पर्व भएका कारणले महिलाले मात्र गाउने टिपिकल गीत हो । जसले हाम्रो कला र संस्कृतिको पहिचान पनि दिन्छ ।सबैभन्दा ठूलो कुरा चाहिँ मलाई छाडा गीत मात्र गाउँछ भन्नेहरुलाई जवाफ हो यो ।

तपाई गीत पनि राम्रो गाउनुहुन्छ, अभिनय नृत्य पनि अब्बल गर्नुहुन्छ तर विवादमा आइरहनुहुन्छ किन ?
मैले अहिलेसम्म देखेको, हेरेको, बुझेको कुरा राम्रो र अब्बल मान्छेहरु विवादित हुन्छन् ।यसलाई मैले सिरियस्ली लिन्न ।

हालै तपाईको उत्तेजक पहिरनका कारण टेलिभिजनहरुमा तपाईको अन्तवार्ता रोकियो भन्ने चर्चा छ ।खासमा भएको के हो ?

रोकिएको साँचो हो । तर, अहिलेको जमानामा गुन्यू र चोलोलाई भल्गर भन्न थालियो भने नेपाल टेलिभिजनले सेलिव्रिटी टक शोहरुमा बुर्का लगाउने व्यवस्था गरिदिए हुन्छ । खास त्यो दिनमा म नेपाली पोशाक गुन्यूचोलीमा थिएँ । चोलीको क्लिभेज थोरै ओपन थियो ।

मैले त्यो गेटअपमा र त्योभन्दा ग्ल्यामर गेटअपमा अन्य च्यानलमा इन्टरभ्यू गरेकी छु । सजिलै सबैले हेर्नु भाको छ । हिमालय टेलिभिजनले रोकेको गेटअपमा विवादित हुँदाहुँदै पनि मैले तीजको लाइभ माउन्टेन टेलिभिजनबाट गरेको छु । खै कहीँ कतै केही सेन्सर भएन । हेर्नेहरुले पनि नेगेटिभ कमेन्ट गर्नु भएन ।

मलाई के लाग्छ भने ज्योति मगरको गीतहरु नसुनेर, ज्योति मगर कतिसम्म क्रिएटिभ छ भन्ने थाहा नपाएर, उसको कुनै पनि क्रियशन मूल्याङकन नगरेर कपडाको कुरालाई टपिक बनाएर मलाई सेन्सर गर्न खोज्नुहुने आदर्शवादी महानुभावहरुलाई म लाटो देशको गाँडो तन्नेरी जस्तै ठान्छु ।

तपाईको गीतको शब्द, म्यूजिक भिडियोमा नृत्य तथा अभिनय र स्टेजको प्रस्तुति हेर्दा तपाईले आफ्नो कलालाई अलि बढी नै ग्लामरस बनाएको देखिन्छ । के त्यस्तो नगरी टिक्न नसकिने हो ?

हो, मेरो गीत, लय शब्द र भिडियोमा अलि बढी ग्ल्यामर छ । तर, त्यसो नगरी टिक्न नसकिने होइन । त्यसो गर्दा चाहिँ टिक्न अलि रिस्क हुन्छ । तर पनि म त्यो रिस्क उठाउन तयार छु । किनकि मलाई समयभन्दा ठूलो केही लाग्दैन र म समय बुझेर समयसँग हिँड्न खोज्ने मान्छे हो ।

यो समय भनेको २१ औं सेञ्चुरी हो । प्राक्टिकलको जमाना हो । न कि यो त्यो हलानो, फलानो भनेर अरुको कुरामा कमेन्ट गरेर बस्ने जमाना होइन ।

त्यैमाथि पनि हामी गीत बनाउँछौ, भिडियो बनाउँछौ त्यो पब्लिकका लागि हो । जब मेरै गीत बढी ग्ल्यामर हुँदा पब्लिकले मन पराउनुहुन्छ भने अरुलाई किन टाउको दुखाई ?

अर्को कुरा जसले मेरा गीत सुन्नुहुन्छ मेरो बारेमा हरेक जानकारी राख्नुहुन्छ र मलाई साँच्चिकै माया गर्ने फ्यान हुनुहुन्छ भने उहाँले गरेको कमेन्टलाई म मान्छु तर, हावाको भरमा हल्लैहल्लाको भरमा आदर्शवादी कमेन्ट गर्नेलाई चाहिँ म मान्दिनँ ।

छोटा र सेक्सी पहिरन लगाउनेमा तपाई माहिर देखिनुहुन्छ । त्यस्ता कपडाप्रति किन त्यस्तो मोह ?

म अलि बच्चाबच्ची स्वभावको छु । त्यो भएर पनि मलाई छाटो कपडा स्कर्टहरु लगाउन मन पर्छ । सेक्सी पहिरन चाहिँ मलाई भगवानले नै शरीरको सङरचना गर्दा अली सेक्सी टाइपको गर्नुभएछ क्यारे ।

खासगरी मेरो व्रेष्ट अलि एट्रयाक्टिभ भाको भएर होला हरेक पहिरनमा क्लिभेज चाहिँ सेक्सी देखिन्छ । म ड्रेसअपको लागी त्यसो माहिर चाहिँ छैन । नढाँटी भन्नुपर्दा माहिर हुन चाहे पनि आर्थिकरुपमा ईफोर्ट नै गर्न सक्दिनँ ।

अहिलेसम्म कतिवटा गीत गर्नुभयो ?

त्यस्तो धेरै गरेको छैन । एल्बम, तीज गीत र बाँकी अरु कलेक्सन गरेर २ दर्जनजति गीत गरियो होला ।

गीत गाएर मात्रै बाँच्न कत्तिको सहज छ त ?

धेरै गाह्रो छ ।

नयाँ गीत कुन गर्दै हुनुहुन्छ ?

नयाँ गीत चाहिँ यसपालि मैले पुरानो लोक भाकालाई पयूजन गर्ने सोच छ ।

आफ्नो जीवनमा आफूलाई कत्तिको सफल मान्नुहुन्छ ?

म आफूलाई सफल पनि मान्दिनँ, असफल पनि मान्दिनँ । जीन्दगीलाई गुजारा गर्नुसम्म हो । गुजारा चलिराकै छ ।


(२०७४ आश्विन ११, बुधबार) ०८:२८ मा प्रकाशित

°
Weather from OpenWeatherMap

मुख्य समाचार

सबै

ने.क.पा.का नेता तथा कार्यकर्ता किसानको खेतबारीमा जनश्रमदानमा ब्यस्त

नेत्रबिक्रम चन्द बिप्लव नेतृत्वको नेपाल कम्युनिस्ट पार्टीका नेता तथा कार्यकर्ताहरु यतिबेला  कालिकोटका विभिन्न गाँउबस्तीमा किसानको खेतबारीमा जनश्रमदान गर्नमा व्यस्त देखिन थालेका छन् । प्रायजसो खुला.....

बिप्लवलाई थकाउन खोज्ने सरकार थकित, वार्ताका लागि भन्दै सम्पर्कसुत्र धुनचक्रका साथ खोजी

विप्लव नेतृत्वको नेपाल कम्युनिष्ट पार्टीलाई  ब्यापक दमन गरेर थकित पारी वार्तामा ल्याउने रणनीति अपनाएको वर्तमान केपी ओली नेतृत्वको सरकारको चौतर्फी आलोचना र बिरोध हुन थालेपछि आफै थकित.....

मन्चका सचिव चौलागाईंको डायरीमा प्रहरीले “विप्लव”को नाम देखेपछि ……… …

प्रहरीहरु नेपाल कम्युनिष्ट पार्टी र त्यस पार्टीका महासचीव विप्लवको नाम देखेपछी कति त्रसित रहेका छन् भन्ने कुरा आइतबार काभ्रेमा भएको एक घटनाले पुस्टि गरेको छ । काभ्रे जिल्लाको.....

Exchange Rate

Nepali Patro