​मोबाइल धेरै तात्छ ? कारण र समाधान युवराज भट्टराई, कम्प्युटर टेक्निसियन

संबाददाता : मोनिका गुरुङ     प्रकाशित मिति: (२०७४ असार १०, शनिबार) ०७:२७

चार्जमा राख्दा या फोन गर्दाको समयमा तातेर आउने समस्याले कतिपय स्मार्टफोन प्रयोगकर्ता तनावमा हुन्छन् । धेरै नै तातेपछि पड्किने पो हो की भन्ने भय पनि जन्मिन्छ । तर, स्मार्टफोन तात्नुमा कतिपय गल्ती प्रयोगकर्ताबाटै भएको हुन्छ । सानातिना विषयमा ध्यान पु-याउँदा फोन तात्ने समस्याबाट छुट्कारा पाउन सकिन्छ ।
९ गल्तीले तात्छ फोन                                                                                               
कयौं घन्टासम्म फोन चार्जमा राख्नाले ।
चार्ज गरिराखेका बेला फोन गर्नाले ।
अनलाइन गेम धेरै समय खेल्नाले ।
जहिल्यै ब्लुटूथ र वाईफाई अन राख्नाले ।
सफ्टवेयर अपडेट नगर्नाले ।
फोनको मेमोरी फुल हुनाले ।
लगातार रन गर्ने खालको एप्स इन्स्टल हुनाले ।
लाइभ स्ट्रिमिङ या अनलाईन म्युजिकमा प्रयोग गर्नाले ।
ब्याट्री पुरानो भएको हुनाले ।
चार्जिङका बेला तत्दा 

फोन चार्जिङका बेला तात्छ या ढिला चार्ज हुन्छ भने सबैभन्दा पहिले चार्जर नै बदल्नुहोस् । ध्यान राख्नुहोस्, सँधै ओरिजिनल चार्जर नै प्रयोग गर्नु पर्छ । डुप्लिकेट चार्जरले फोन चार्ज नुहेन, छिटै चार्ज हुने र तात्नेजस्ता समस्या निम्त्याउँछ । चार्जर बदल्दा पनि तात्ने समस्या समाधान भएन भने पावरबोर्डमार्फत् चार्ज गर्नुहोस् । तर, अझै पनि फोन तात्ने समस्या सल्टिएन भने निश्चित हुनुहोस् कि ब्याट्रीमै समस्या छ । यो अवस्थामा दोस्रो ओरिजिनल ब्याट्री नै फेर्नुपर्छ ।

पुरानो फोन तात्दा

तपाईंको फोन एक–दुई वर्ष पुरानो  भइसकेको छ भने प्रायः तात्ने समस्या आउँछ । यो अवस्था निम्तिनमा अन्य कुनै खराबी आवश्यक नै पर्दैन । त्यसैले सबैभन्दा पहिले फोनको सफ्टवेयर अपडेट चेक गर्नुहोस् । यदि कुनै अपडेट आएको छ भने त्यसलाई तुरुन्त इन्स्टल गर्नुहोस् । फोन अपडेट भइसकेपछि कयौं समस्या सजिलै समाधान हुन्छन् ।

गेम खेलेर तात्दा

त्यो बेला पनि फोन निकै तातेको हुन्छ जुनबेला तपाईं अनलाइन गेम खेलिरहेको हुनुहुन्छ । यसको मतलब यो हो की फोनमा ओभरलोड भएको छ । यो अवस्थामा फोनमा एकसाथ दुई या दुईभन्दा बढी एप्सहरु सक्रिय भइरहेका हुन्छन् । कुनैबेला फोनको ब्याकग्राउण्डमा एप्स ओपन भएर इन्टरनेटसँग कनेक्ट हुन्छ । यस्तो अवस्थामा फोनमा ¥याम कम छ भने तात्ने समस्या निम्तिन्छ । यसैले गेम खेल्ने बेला फोनमा रहेको सबै एप्स बन्द गर्नुहोस् ।

ब्राउजिङमा तत्दा

फोनमा ब्राउजिङ गर्दा पनि तात्ने समस्या हुन्छ भने ब्राउजर सेटिङमा केही परिवर्तन गर्नुपर्ने हुन्छ । ब्राउजरमा डाटा सेभिङ र डाटा कम्प्रेसजस्ता फिचर्स हुन्छन् । यि डाटा सँधै अन राख्नु पर्छ । यसो गर्दा फोन तात्ने समस्या कम हुन्छ , साथै इन्टरनेट डाटा पनि सेभ हुन्छ ।

ब्याट्रीका कारण तात्दा

फोन पुुरानो भइसकेको छ भने तात्ने समस्या ब्याट्रीका कारणले पनि निम्तिएको हुन सक्छ । दुई वर्ष पुरानो फानेको ब्याट्रीको ब्याकअप कम हुँदै जान्छ । साथै, पुरा चार्ज हुन पनि समय लाग्छ । र, लामो समयसम्म चार्जिङमा राख्दा तात्न थाल्छ । यो अवस्थामा फोनको ब्याट्री नै फेरिदिनु राम्रो हुन्छ ।

लाइभ स्ट्रिमिङमा तात्दा

भिडियो स्टिङमिङ या अनलाइन म्युजिक प्ले गरिरहेका बेला फोन तात्ने समस्या छ भने मुख्य दुई कारणले हुन सक्छ । -यामको कमी या प्रोसेसरका कारण यस्तो हुन्छ । यो समस्याबाट छुट्कारा पाउन लाइभ स्ट्रिमिङका बेला भिडियो क्वालिटी एचडीमा नराख्नुहोस् । एचडी क्लालिटीले फोन निश्चित रुपमै तात्छ । म्युजिक सुन्न पनि अनलाइन सिस्टम प्रयोग नगर्नुहोस् । फोनमै सेभ गरेर सुन्ने गर्दा समस्याबाट मुक्ति मिल्छ ।

नोट : फोन तात्ने  कतिपय समस्या  एक–अर्कासँग जोडिएका हुन्छन् । कुनै एउटा समस्या समाधान गर्दा अर्को समस्याले पनि फोन तातिरहेको हुन सक्छ । 


(२०७४ असार १०, शनिबार) ०७:२७ मा प्रकाशित

°
Weather from OpenWeatherMap

मुख्य समाचार

सबै

वार्ता शुरू भएको भन्ने कुरा सरकारले चलाएको हल्ला मात्र हो : अनिल शर्मा “बिरही”

सरकार र नेत्रविक्रम चन्द 'विप्लव' नेतृत्वको नेकपाबीच केही दिनयता वार्ता प्रयास भइरहेको खबर सञ्चारमाध्यमहरूमा आइरहेका छन्।सत्तारूढ नेपाल कम्युनिस्ट पार्टी (नेकपा)का नेताहरूले विप्लवको पार्टीसँग विभिन्न.....

कोट र टाई नलगाएको भन्दै कुटिएका शिक्षक न्याय माग्दै प्रहरी, प्रशासन, पत्रकारसंग हारगुहार

कोट र टाई नलगाएको भन्दै प्रिन्सिपल रमेशकुमार आलेबाट कुटिएका भोजपुर सदरमुकामस्थित सगरमाथा अंग्रेजी माध्यमिक विद्यालयका शिक्षक अतित अधिकारी न्याय माग्दै प्रहरी, प्रशासन, पत्रकारसंग.....

ने.क.पा. कास्कीका चार नेता फेरी अदालत परिसरबाट पक्राउ

कास्की जिल्लाको अन्नपुर्ण गाउँपालिकाको उरीमा बिद्यार्थीहरुको बैठकस्थलबाट पक्राउ गरिएका विप्लव नेतृत्वको नेपाल कम्युनिष्ट पार्टी कास्कीका चार जना नेता जिल्ला अदालत तनहुँको परिसरबाट.....

Exchange Rate

Nepali Patro