मलेसियामा नेपाली एक युवालाई चार वर्षको जेल सजाय

संबाददाता : मोनिका गुरुङ     प्रकाशित मिति: (२०७३ फाल्गुन २३, सोमबार) ०३:३७

मलेसियामा एक स्थानीय युवतीको सुनको सिक्री चोर्न खोज्ने नेपाली युवालाई चार वर्षको जेल सजाय भएको छ । २१ वर्षीय महिला विद्यार्थीको सुनको सिक्री चोर्ने प्रयास गरेको अभियोगमा सुरक्षागार्डको रुपमा कार्यरत रहेका २६ वर्षीय कुमार दराललाई क्वालालम्पुरस्थित सेसन्स कोर्टले उक्त सजाय सुनाएको मलेसियाली सञ्चारमाध्यममा खबर छ  ।

समाचार अनुसार उनले ‘नुरहाफिजातुल सरिना जुल्किफिली’ नाम गरेकी युवतीले हात धोइरहेको मौका छोपी उनको घाँटीमा रहेको करिब २० हजार रिंगिट बराबरको सुनको सिक्री चोर्ने प्रयास गरेका थिए । ती महिला विद्यार्थी हुन् । कुमारले गतवर्ष डिसेम्बर २९ बिहान करिब साढे सात बजेतिर उनले ती महिलाको सिक्री चोर्ने प्रयास गरेका समाचार संस्था ‘बर्नामा’ले उल्लेख गरेको छ । उनी सोही दिन पक्राउ परेका थिए ।

उनी गैरकानुनी हैसियतमा रहेकाले एक वर्षसहित चार वर्ष जेल सजाय तोकिएको बताइएको छ । अदालतसामू उनले आफूमाथिको अभियोग स्वीकार गरेका थिए । अदालतले अघिल्लो साता उनलाई उक्त सजाय सुनाएको हो ।


(२०७३ फाल्गुन २३, सोमबार) ०३:३७ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना